س:- أنتاجك الادبي : نبذة عنة ؟
ــ أكتب الشعر العامي . ومن ما كتبت : عوض ، شمس فلسطين ، زلزال هاييتي

كنيس الخراب . وكثير جميعها منشورة .


وهذه بالعربي القبيح :
--------------------

بالعربي القبيح

بالعربي الفصيح

انا أمّي

لا بَقرا ولا بَكْتِبْ

لا بَسْمَعْ ولا بَكشَعْ

وأخنَفْ

من يوم ما ولدتني إمّي

إعتبرني زي الخاتم بالأصبع

إن حَبّيت تخلليني ..

خللّي

وإن حَبِّيت تهديني ...

إهدي

ويوم ما تِزهَقْ مِنِّي

عالمزبلة زِتْ وإرمي

معدني مش زيّ معدنك يا طويل العمر

معدنك

دهب أصلي مختوم

ومعدني انا

صفيح مَطلي

إفرح وعيش وغنّي

وسيبْ اللي زيّي يلطُمْ عالخدود

ويعِدّ الوعود

من الكتاب الأبيض

للخريطة الشووم

وإن سَمَحْتِلّي اشكي

راح اقول آه ....

ويمكن , ابكي

أوَشْوِشَكْ ؟

قبل ما تِدبَحني

علَيّ .. سَمِّي

بالعربي الفصيح

انا ديك منتوف الريش

مبتور العُرفْ

مدبوح

الفجر عندي زي المَغيب

والأتنين عليّ عَدّوا

انا ديك بصوت مبحوح

لِسَّاتني بالعِشة وباصيح

يا عيب الشووم يا عيب الشووم

الذنب مش ذنبي

مع اني انا اللي زارعُه بكياني

ومقَعْدُه جنبي

يا اهل الله

الدم اللي بعروقي

مش دمّي

دمي يا اهل الله

تصَفّى بغزة وبدير ياسين

وبجنين طِلعَتْ روحي عالجنة

أعطوني روح

بطلوع الروح

ونقلولي دم

سَمَّمْني

بالعربي القبيح

أنا مش أمي

أنا بارطُنْ امريكاني

وباكتب امريكاني

وباكُل امريكاني

واللي بيتجوَّز ميسر إمي

راح أقولُّه كل يوم

يا عمِّي