المساجلة الشعرية

[ريمه الخاني]

	معاك سمحة وحليوة الدنيا ينسانا الفراق والهم ونتهنى ونعيش أيامنا ما يغشانا فيها ألم وتتمدا السنين قدامنا ما نعرف عدادن كم وتتحقق كمان احلامنا يا أحلى وأرق نغم لو ما سعدي مكتوب لي وانو الريدة ذاتا قسم ما كان شافتك عيني ولا كان في حلم نتلم وكان ايامي يبقن صي وما كان ضقت ليها طعم وكان تلقيني ساكت حي وكم حياً حياتو عدم أدوكي الجمال نصو ونصو التاني إتقسم فريع البان يزيد رقصو يحاكي خطاكي يتعلم صفوف الشعراء يترصوا وكت تسخى وتجيب النم يقيفوا لما يتقصوا ولسانهم ضمه يتلعثم فيكي من الشعر جرسو قوافي بحورا تتنظم وشلتي من الكنار حسو وحين يلقاكي يتبكم ونسمات الصباح ترسو على خديكي تتنسم وقلبك حاني ما بقسو ولا في يوم جفاني ظلم

عن العضوالخال-
مييييييييييييييييييييم