مجموعة ظريفة من النكت الحمصية
آمل أن تسعدكم


-1-
محافظ حمص جمــّـــع أهل حمص
وقال :إذا فيكم واحد غبي لازم نذبحه ونادى أول واحد
وسأله 3+5 كم ؟ قال له 8
صرخ أهل حمص كلهم بصوت واحد : عطيه فرصه ثانيه-

-2-
حمصي سأل حمصي تاني : تتوقع شو بصير لو دوران الأرض صار أسرع ثلاثين مره عن الدوران الطبيعي ؟؟؟
قال :التاني بصراحه ما بعرف
قلو الأول: يصير ناخذ الراتب كل يوم يا غبي

-3-
حمصي أنقذ شخص حموي كان عم يحترق
كرّموه وسألوه عن سبب شجاعته..!
قال أنقذته لسببين
الأول :مشان ما يموت شهيد
والثاني : مشان يعيش باقي حياته مشوّه
(( المعذرة من أشقائنا الكرام في مدينة حماه مدينة أبي الفداء ))

-4-
حمصية عم تسأل زوجها : إذا متت أنا شو بيصير فيك ؟
قلاّ: أي والله بجن !!!
قالتلو : يعني ما راح تتجوز ؟؟
قلاّ : ولو يا عمري ؟! المجنون مُمْكن يساوي أي شي

-5-
حمصي وقع في بئر ماء وحاول يطلع ما قدر
قال بحاول آخر مرة وإذا ما قدرت رح روح عالبيت

-6-
حمصي طلعت له حبه في راسه ..سأله الدكتور : عم تحكك ؟
قال للدكتور: لا أنا بحكها.....!!!

-7-
حمصي أحترق دكانه
...سألوه : انشالله ما خسرت كثير ؟؟
قال : لا .. كنت عامل تنزيلات

-8-
سائق تاكسي من التعب والعرق صارت ريحته كريهة ...
ركب معه حمصي وسأله : سيارتك كم حصان ؟
قاله : عشرين حصان .
قلو الحمصي : الظاهر انه واحد منهم ميت

-9-
حمصي بيصلي اتصل فيه صاحبه.. وقال له وينك؟
قلو : بالركعة التانية

-10-
حمصي بقول لصاحبه أبوك من يوم ما اتوفى ما شفناه عسى ما شر

-11-
ثلاث حماصنة وقفوا تكسي..
صاحب التكسي عرف إنهم حماصنة.. شغل السياره وطفاها..و قالهم وصلنا .
الأول عطاه مصاري..
الثاني قاله شكرا..
الثالث حوّل من السيارة وراح لف لعند الشوفير وضربه كف .
السايق على باله بأن الحمصي فهم الملعوب،
لكن اتفاجأ لما قاله:لاتسرع مره ثانية

-12-
حمصي ليلة عرسه ما لقى موضوع يتكلم فيه
قال لزوجته : أهلك بيعرفوا إنك عندي!

-13-
حمصي سالوه تعرف بيتهوفن
قالهم : مو لأعرفهم قبل ما اعرف بيتهم؟؟


-14-
حمصي شاف حمصي تاني قاعد وحدو وعم يضحك
ساله ليش عم تضحك !
قال :كنت قاعد عم احكي لحالي نكته اول مره اسمعها .

-15-
حمصي دخل راسه في قفص أسد
قاله الحارس: طلع راسك...
قلو الحمصي : شبك يا رجل ؟ خايف عليه ؟ ما رح ناكله!!!!

0000000000000000000000000000000000000000

وكل أربعاء وأنتم بخير

أعتذر من الأخوة والأخوات إن كان ثمَّةَ إساءة ما