شماته

الدنيا ذي المدام
بعنيها أنْذالك
لو نفدتْ بجلدك
من ظنها وغيرتها
يبقي أبو زيد خالك
****
احمد ربنا لرضاها
حمياك وطبخالك
شايله هموم البيت
ومربية عيالك
بتشورعليك وشورتها
دايماً بتصلح حالك
****
كل الحريم فيها خصله
تلعب وتدعبس ف عقلك
وف المحمول ومالك
ولو خبيت عنها
يا صاحبي افكارك
وعرفت ياحبيبي صدفة
إن الفشل صابك
تشمت فيك وتقول لك
: طول عمرك معاندي
لا خدت مرة بشورتي
ولا بتسمع كلامي
ياما نبِّهتكْ وحذَّرتكْ
م اللي جري وحصلكْ
بالذمة يا بو سعيد
مش كنت قيلالك