يل ساكنة بعيد وانت مش قبالي
ليكي نار الوئيد عم تضرم بحالي

*****
يل ساكنة بعيد شو بعًدك عني
مشتاق عن جديد بغرامك أنا غنًي
ولو خيروني بين غرامك والجنة
رح قول انت أكيد مالي ورسمالي

*****
بعادك عني زاد الألم عالقلب
قديش متمني نمشي على هالدرب
ادخلي قلبي كتير غيابك صعب
انت يا دنيتي وحبي وآمالي

*****
عيونك سحرني كحلها بعز الشباب
وقلبي بميل رموشها تعلًق وداب
ولو! ؟ ارتحت من العذاب بحبها
مين لي بدو!؟ يدير بالو من العذاب
أماني شوفي شو صاير بحالي!