الشاعرة سيدة الشولي
من ديوان سكت السكات
حلمي حلمك
من يوميها
يوم ما شوفنا
بعضنا
كان نفسنا
وكان منانا وحلمنا
لو يجتمع يوم شملنا
لكنها
قاسية السنين
أنا هنا
وانت هناك متفرقين
يا اللي حلمك
تلقي وعدي
هو وعدك
الآمال
دي مش أمالك
انت وحدك
حلمي حلمك
من يوميها
ويمكن أكتر
والبعاد00
بينَّا انكتب
والسبب
مليون سبب
حكمة الله والمقدر
ليه أفكر في السنين
لسَّه إحنا زيِّ ما إحنا
فينا شوق بيزيد
يوماتي ومغرمين
هو يعني باللقا
نحصد أماني العاشقين
دا إحنا قصة حبنا
من نوع فريد
مالهاش شبه
في الحب هي لوحدها
ليها لون وليها ريحة
وطعم تاني
حبنا يا حبيبي
شيء مختلف
مش زيِّ معني
يرددوه في كلام الأغاني
ده انت رغم البعد
عايش في الوريد
بتمني تنبض بالحياة
لو تبطلْْ فِكْر فيَّا
ولو لثانية00
أموت 00
ما بالك بالثواني
أخ ياني 00
كل أملي
أحس بيك وتحس بيَّا
واوعي تستكتر
حنين قلبك إليَّا
تفتكر000
ده يبقي كتيرعليَّا
يبقي نبقي 000
و زيِّ ما احنا
عاشقين
لا يجف في قلوبنا
الحنين
ولا لحظة نصبح
ندمانين ولا حزنانين
لجل عمري معاك
بحبي بحسبه
مش بالسنين

ــــــــــــــــــ
الشاعرة مريم توفيق
من ديوان أشعار مختارة
ربيعية
قالوا 0000
في أقصي الأرض
ينابيع تروي الظمآن
وأنا ظمأيِّ أقوي
من كل ينابيع الأرض
ظمأيِّ يجري بشراييني
يحتل الأعماق ويكويني
طرتْ اجوب أرض غرباً
فاجأني بحر ملتهب
مضطرب الأمواج
يقذفني التعب بعيداً
فوجدت الأفق فسيحاً
فعدوت
فرأته عيوني
ينفض عني
هذا الزمن الملعون
وبيده الأخرى قارة ماء
فشربت 00
شربت00 شربت
آه 00
ما أشهي لحظات
يشرب فيها الظمآن
في أعيننا
رقص شعاع
سّطّرتُ
علي صفحات الريح
قصيدي
فشدا لي
لون حنيني
في قرص الشمس
إذا غابت
طعم حنيني
في كون الشمس
إذا عادت
حجم حنيني
في كون الشمس
إذا دارت
يا من تسري بدمائي
بضلوعي
بحروفي بسكوني
وهنا000
عاوده الدمع فغاب
أه 000
ما أروع حبك
زرع النشوة
بين الأطلال
وروي العشب
بماء غيث شلال ــــــــــــــــــــــــــــــــــ

الشاعرة أنجي عبد الحافظ
من ديوان دقة قلب
بحذَّركْ
إوعاك تخون
أو تتاجر يوم بحبي
أو تسيبنِّي للظنون
إوعي مرة تقول بحبك
وأنت بتداري الغرام
وف عيونك شوق لغيري
مش ها يخدعني الكلام
مش ها تخدعني الملامح
والبراءة اللِّي ف عيونك
لو تفكر يوم تخونيِّ
مستحيل ابداً ها خونك
مستحيل يشغلني غيرك
لو تخالف خط سيرك
يبقي يتحدد مصيرك
مهما كان حبك يهون
بحذَّركْ
إوعي مرة تقول حبيبتي
وانت قلبك ملك غيري
شوف يا طيري
جوه ننْ عنيك
حقيقتي
شوقي حيرتي
حتى غيرتي
كل سيرتي
فوق عيونك راح تكون
كلمة تتحدي المشاعر
كلمة واحدة
وانت وحدك بيها شاعر
وانت عارف
شوقي جارف للعيون
إوعاك تخون 00بحذَركْ
ـــــــــــــــــــــــــــــــــــ
الشاعرة أمل جمال
من ديوان كأنها أنا
أنا
أنا هذه الفاشلة الكبيرة
الممتلئة بالحب والدمار
وعشررغبات في الإنتحار
أداري ألمي عن العابرين
كيف أداري ألمي عنك؟
وكلما خلعت قناعاً
كان خلفه قناعاً
كان خلفه وجه سيدة
تنظر في مرآة قلبها
كل ليلة
وتبكي
هذه السيدة
أهدهدها
أضع لها صورتك
تحت الوسادة
واقول لها :
أغمضي عينيك يا طيبة
ونامي
نامي
وأنت تحسين تنفسه
وتشعرين بدفئه الوهمي
وتتأملين الذكريات
ليس معني أنهلم لم يحبك
أن تجلدي نفسك بالورد
والنبيذ
وادشموع التي إنطفأت
نامي
وأنت ترينه سعيداً
يتنقل مثل فراشة
بعيدة عن حدائقك
ومضيئاً كنجمة
نامي
وأنت ترددين00
الحياة جميلة
( قدر وجودك فيها )
لكن الزجاج الذي
يفصل بيننا
أكثر من قاسي
انا هذه الفاشلة الكبيرة
في كاس واحدة وأدمر نفسي
افشل في الموت وافشل في الحزن
وافشل في إكمال القصيدة