قصيدة بالعامية المصرية
عزة نفسى
ــــــــــــ
غاوية أحلام النخل أحلامى
تعلا بي لمراجيح الريح
والسواقى القلابه
قلابه
حادثات الزمن الغلابه
لقمه وكسوة وحبة فرح
وشئ م العقل يشييد فييا حصن منيع
وياسلام لو صرحك يفضل صرح
إيه إنسان ؟ إلا إن صح
مش دم ولحم وعيشه
طير فى ريح وريشه
جلد وعضم وتحويشه
وف الآخر فوركيشه
مرمى في قعر القفه
يحملها خفيف الريح
ويـزوفها
يسقيها
مرارة عزوفها
ويا طولة بالك
لما تشوفها
تـتسـرسب بيــك السـنين
ماتملكش للي فات
ولا للى جاى حنين
***
احلام كتير فاتتنى للأيام
هرَبت نفسى فى صرحى م الأوهام
وببات شامخ فى عزة نفسى
مانكسرش ، وأقبل
مانكسرش
واستكين بيأســي
أشب للمدى على فوق
أميل للعشق والشوق
شوق النهى والبدايات
ويا عالم ببكره والجايات
هالقانى وأنا بواجه موتى
لساني الصرح اللي بنيت
ولا ؟
حصاد اللي عانييت .
الأرض لفت بى ولفيت
ياما رحت وياما جيت
جوعت و شبعت وحفيت
أتعفرتت وأتهدييت
حلمت وتمنيت
حلو على مر لقيت
وهديت وبنيت
وصبرت واستنيت
لحد مابقيت
وياريتك ياموت تاخدنى
بس تعيش الكرامة .
ــــــــــــــــ

للشاعر
محمدأسامةالبهائى
dearest friend
thanks