بْسْتـِحِي : (زجل)

بْسْتـِحي قـْلـَّكْ إي ..
وُمَ بَدَِّي إرفضَـكْ !

سبحان ربي ...
طـَرَّزَكْ أمْواج...
وكل المرايا..
لـْ صورتك تحتاج ...
وتعتـَقْ على الألماس ..
قلبي يْجَدِّدَكْ !

إسبح أنا فيك ..
ورُغامي يْعتِلِي !
وتـْغوص بالصحرا ..
بحور مْدَلـَّلي
وبْ صَوت فيروزي ..
تـَعَااااااااااااا : عَم رَدِّدَكْ !

برزَخْ عَتيق ...
صخور جوعاني عشق...
وُضْفـَافْ مَشـْلـُوحا...
عَ غابهِ من الغني ..
وُنَسمات عم تـْنـْطـُرْ ..
رَذاذ يْلـَعِّبَا..
والقـُمَّراتْ مْرَشرَشي..
وُبَدْرا انفـَلـَقْ!!!

محتار هالمركب ..
لـّ مين بيلتجيي ؟!
_قبل الوصول..
بـْ يْرقـْصُوا النبضات...
والشَوق بـيـ هْزُّوْ ..
كـَأنـُّو من وَرَقْ

_ دْ كـَّان مْلـَّيتو..
زَغاريْد وُقـْصَصْ...
لـِمِّنْ شْفِت طـَيفـَكْ ..
على وَعدي عَزَقْ

وُبْلـَّشِتْ أوزِن...
شي قـُبَلْ ..
شي حُب..
متل الـْكـَأنـُّو..
ما في غـَيري حَب ..
وُحْمِلـْت عَنـِّي جْبالْ..
عَن كـْتـْف انحَرَق!ْ

مَيَّلـْتْ عالشجرات ...
مَدُّوا زنودهُنْ..
وُلـَوَّنـْتْ هالأزهار...
من لون الشفـَقْ!

_ وَينِي أنا؟؟!...
وأنتا على الصَّفـَّين !..
وُإيْدَكْ على عَرْشي...
تـْهَنـْدِسْلي العَرين !!!!..
كل ما يْصَيِّدْهَا..
يـِجي..
عمري الضنين ...
يـْجمَع أماني فيك...
وُيْهوج الحَبَقْ!

وُتـْفيق عا صَوتي ..
بـِآخِر هالمَدى...
وُتـْشوف بالتـَّبَّان ..
ما غـَيري حَدَى!
وُتـْركـَع لـَنـَيْزَكْ ..طـَلْ ..
من عَيني وُبَرَقْ ! **************
دمشق: فردوس النجار