-الو مرحبا! حضرتكم بيت ام محمود
-اهلا وسهلا ..اي معك ام محمود مين معي؟
-والله نحن خطابين ..اسمعنا عندك بنت خرج الخطبة😉
-ياااا مييييت اهلا وسهلا ..اي والله عندي بنت متل القمر 😍
ايمتى بتحبو تشرفونا؟
-اليوم اذا ماعندكم شي
-لا والله ياعيب الشوم منك ..اليوم جاية عنا المي ..والبيت معجوء بالشطف وبدنا نتحمم😅 ..بصير بكرا؟
-يييي والله بكرا دورنا بالمي ... وبدي اغسل الغسيلات وأمن عالخزان وعبي...شو رأيك بعد بكرا؟
-والله بعد بكرا بتكون بنتي زيتت ..مو حلوة تطلع قدامك مزيتة 😂😅
-شكلو مافي نصيب 😐
-اي والله هيك اللاحة.. كان بودنا تشرفونا بس جدولنا غير جدولكم ..
-الله يجمعكم ب ابن الحلال يلي يناسب جدول المي تبعكم
تسلميلي.وانتو كمان يارب😘 .