مساء الخير أصدقائي .... عند البحث عن دفاتري القديمة
وجدت بعض القصائد كتبتها منذ سنوات مضت
وهذه منها .... أرجو أن تنال اعجابكم وتقيمكم لها وشكرا .
................
قعدت قبالي..... محيّرة و ملبّكي
اسألتا عن الاسباب ..شهقت بالبكي
ليش البكي يا بنت بعمر الورود
عيونك الحلوة ما بيلبقلا البكي

******
بخاف من الدمع يجرح ورد الخدود
ويقولو الناس هاد من لثمي لكِ
عيونك الكحلا .. يا عيون العنود
لو ما حكيت وحدها... فيها الحكي
******
لغة العيون من عهد الجدود
قتلت جرير و لمين بدّو يشتكي
و أبو نواس سكر ع جمر الخدود
وانا سكرت ع جمر شفاف ل لِكي
******
شوقي كبير إلك .... مالو حدود
مشتاق غِل واسكر بالعطر الذكي
وضمك لصدري ... وتضمني زنود
وترجف شفاف بالحب ملبّكي
******
كأنو... صابها .... عاصفة و رعود
وضاع الحكي ومن وين رح يجي الحكي
عشقك عذاب للقلب مالو حدود
وعيونك سهام ... و رماح بتملكي
******

بحبك أنا ...حب ... بلا قيود
وبمحبتك قلبي بيكبر ... كتير
ونيّالو القلب لو صفّى لكِ
شحرور الضيعة
27/2/2007