للسوررين فقط!!

[أسامه الحموي]

لما السورين المغتربين بيحكو مع السورين يللي بالبلد وبيفضفضو لبعض

السوري في تركيا 🇹🇷
والله البلد حلوة وفيها مناظر حلوة
بس بدك تتعذب خيرات الله هون
وهون كل مين ايدو الو ولاتحلم حدا يعطيك ليرة ...


السوري بااميركا 🇺🇸
نحنا هون مضطهدين والضرايب هلكت سمانا
نيالكن انتو عالاقل ماعنكن ضرايب


السوري بالسعوديه 🇸🇦
انتو مفكرينا مبسوطين هون والمصاري عم نلاقيها بالشوارع
لو تعرفو حقارة الكفيل والرسوم يللي بدفعنا ياها كل سنه
بكفي الهوايات يللي عنكن بردو الروح


السوري بالسويد 🇸🇪
ماعاد عطونا اقامات متل قبل ويادووووووب عم ناكول ونشرب ونسكج حالنا لاخر الشهر


السوري بألمانيا 🇩🇪
اوعى حدا يجي لهون صار عجقه كتير وعم ينيمونا بالشوارع اوعى حدا يفكر يجي
يعني اذا مامتنا بالبحر رح نموت من البرد ❄❄❄


السوري بالامارات 🇦🇪
الله وكيلكن كلشي غالي واللي منشتغل فين يادوب يكفونا اكل وشرب وفواتير
وماعم يعطو حدا فيزا نحنا وبالزور حاطينا عندن الله يستر مايقلولنا ارجعوا


السوري بلبنان 🇱🇧
كرهانين حالنا والذل بعمرنا ماشفناه الا بهالبلد
اللبنانية ماتاركينا بحالنا وماعم نسترجي نطلع من البيت بعد الساعه 6


السوري بالجزائر🇩🇿
الشعب طيب والبلد منيحه
بس الحكومه الله يسامحا لافيزا لا اقامات لك حتى عقد اجار بيت ماعادو خلونا نعملو
صار فينا ياعود وسد حلقك
ياانضرب عاقلبك طلاع روحة بلا رجعه


السوري بالسودان 🇸🇩
الشعب اطيب من هيك الله ماخلق بس الرواتب كتير قليله والعيشه نار
يعني اذا شقيت حالي مابطالع 200 $ يادوب ادفعهن اجار بيت😭😭😭


السوري بليبيا 🇱🇾
البلد فيها خير كتير بس نحنا ماعاد مرغوب فينا متل الاول
كل واحد بشوفنا بالطريق بقلنا عدي جاهد ببلادك يا ( داعش )
الشعب كتير عم يقسى علينا والعيشه صايرة غاليه والخدمات سيئه كتير


السوري في مصر 🇪🇬
الشعب ماشي حالو معنا بس وقت مصلحتو كلشي لحال
والحكومه كل يوم عن يوم عم تغلي الاسعار
والشغل قليل لدرجه ابن البلد نفسو ماملاقي شغل خليا لربك احسن شي


السوري بسوريا 🇸🇾
لما بيحكي مع كل هدول
طولو بالكن بيعينكون الله ازمة وبتخلص ان شاء الله
امانه اذا لازمكن شي من الشام لاتستحوا
اخوات نحنا.....

[رغد قصاب]

أمثال دمشقية قديمة
⛄⛄⛄⛄⛄⛄⛄⛄


😊الحَماية يلي بتحب الكنة إلها كرسي بالجنة ..


😊الحَماية يلي بتحب الصهر عجبة من عجايب الدهر ..


😉دلل حماتك و كساب ودها أحسن ما تفتحلك طاقة ما تقدر تسدها..


😉لو بدي اصرف من كيسي ما بسميك عريسي


😃حطو الجمل جنب القبة و قالولو مالك حردبة


😔عاشر الغني بيغنيك و عاشر الجربان بيعديك


😃كل ما فتح جزدانو بترجف سيقانو


😃وقت الشغل بتقول مريضه ووقت الاكل بتقول وين معلقتي العريضه


😬خبزة وجبنة بهدوء ولا عزيمة مطنطنة وشم ولا تدوء


😉قال الجمل لو شاف حردبتو لوقع و انكسرت رقبتو


😔لولا الحسد والظنة كانو كل الناس دخلو الجنة


😊قلل ناسك بيرتاح رأسك


😀لولا النسيان ما ضحك إنسان


😍كل شي بالسيف الا المحبة بالكيف


🤔اذا غلي عليك الضاني مَيِّل على الحمصاني


😜لاتستعيري من الجارة والخضري براس الحارة


😂طبخة الشطاطة مفركة بطاطا


🙄عزيمة بدون كبة متل جامع بلا قبة


🤔 وقت بتنتهي المصالح , بيصير الحلو مالح


😏 ياحماتي لا تقولي عني شرنة ما انتِ كنتِ قبلي كنة .