عندي الأمل

[رنوة]

عندي الأمل و عندي الثقة بالله و الشام رح ترجع أحسن من أول بإذن الله ... بس ليش نحنا ..!!! و ليش رح ترجع إلي و إلك ؟؟؟ مين انا و مين انت و مين نحنا ..؟؟ نحنا شعب الله المختار ...؟؟؟

وَقَالَتِ الْيَهُودُ وَالنَّصَارَى نَحْنُ أَبْنَاءُ اللّهِ وَأَحِبَّاؤُهُ قُلْ فَلِمَ يُعَذِّبُكُم بِذُنُوبِكُم بَلْ أَنتُم بَشَرٌ مِّمَّنْ خَلَقَ يَغْفِرُ لِمَن يَشَاءُ وَيُعَذِّبُ مَن يَشَاءُ وَلِلّهِ مُلْكُ السَّمَاوَاتِ وَالأَرْضِ وَمَا بَيْنَهُمَا وَإِلَيْهِ الْمَصِيرُ [المائدة : 18]

و بالتالي .... نحنا بشر ممن خلق الله ... !! مالنا أفضلية على حدا أبدا أبدا ... إلا اذا كنا متل ما الله أمر ....

الشام أرض مباركة انشالله .... و ربنا رح يطهّرها ... بس منرجع للسؤال ... ليش نحنا ؟؟
خلينا نتأمّل بتصرفاتنا و أعمالنا مع الله و مع بعض ..
هل نحنا منستاهل النصر ...؟؟
هل نفوسنا سليمة من الأمراض الاجتماعية ..؟؟
هل الواحد منا بحب لأخو يلي يحبو لنفسو ..؟؟
هل تعاملنا مع أهلنا .. الله راضي عنو ..؟؟ ...
هل منشعر ببعض ..؟؟
هل علاقتنا مع الله و صلواتنا و عباداتنا بتأهّلنا ننتصر ..؟؟
هل مستعدين نآثر بعضنا بالأمور الغالية علينا ..؟؟

حتى نكون واقعيين ... أكيد لاء .... ما مننكر انو في كتير منا اصطلح مع الله و حسّن أخلاقو و عاد حساباتو و رتب أولوياتو بالحياة ... بس لسا بدنا كتيييييير ...

لا تستنى حتى الناس كلها تتحسن لتتحسّن انت ... خليك أحسن منن و عاملهن بأخلاقك مو بأخلاقن ...
(( لا تكونوا إمّعة ، تقولون : إن أحسن الناس أحسنّا ، و إن ظلموا ظلمنا ، و لكن وطنوا أنفسكم إن أحسن الناس أن تحسنوا ، و إن أساؤوا فلا تظلموا )) [ الترمذي ]

ابدا من نفسك ... انا و انت رح نموت ... و ربنا رح يحاسبنا على تصرفاتنا مو على تصرفات الأمة كلها ..!!

رح نبني الإرادة سوا انشالله ... و رح نرجّع سوريّتنا ....

[الحمداني]

ألأخت الكريمه
بأذن الله لن تذهب بعيدا
سوريا ياقيه الوطن يدفع ثمن التحالفات الغربيه على زمن من حريتنا
.. ولآن وطننا تحالف معنا فهم لايردوننا اليوم صبرا سترزق الأرض العافيه
بيد رجالها وناسها وشعبها من جديد .. تقديري لقلكم والحس الجميل