عـزيـزي الـمـتـظـاهــر الـــســــلــمـــي :
قبل ما تقول محاربة الفساد شوف مين عامل الفساد من أبوك لخالك أو عمك وجارك وابقى بس يوقفك شرطي المرور وأنت عم تحكي مع صاحبتك لا تحط بأيدو المعلوم وادفع المخالفة ...
قبل ما تقول حرية ... علّم ولادك عالحرية و فرجيني شو رح يساوو فيك ...
قبل ما تقول طوارئ روح شوف أميركا الساعة 4 العصر ما بيسترجي أخو أختو ينزل عالشارع ...
قبل ما تقول زيادة رواتب شوف حالك قديش عم تشتغل بالنهار .!! أكيد مو أكتر من 35دقيقة ...
قبل ما تقول تعليم غير مختلط روح انقلع ع أفغانسستان ...
قبل ما تطالب بتحرير الجولان روح اخدم عسكرية وحاج تدور عطريقة تتهرب فيها ...
قبل ما تشتكي من الراتب في شي أسمو "تحديد نسل" يعني حاج تبظ ولاد وتقول بدي شربون وطعميون ...
قبل ما تشتكي من البطالة روح ادرس وتعلّم ، وتذكر العلم عنا ببلاش ... أو تعلّم شي صنعة لأنو نحنا مو بسويسرا مشان نعطي رواتب للعاطلين ...
قبل ما تقول افراج عن معتقلين سياسيين روح شوف هالـ ولاد الحرام لمين عم يتجسسوا ...
قبل ما تقول حرية الرأي تعلّم كيف تفك الحرف واستقر على رأي واحد ...
قبل ما تنقد القيادات وتعمل حالك فهمان وهاد المحافظ عاجبك وهاد مو عاجبك ... تعلّم كيف تتقبّل نقد العالم لألك ... ولو حطيناك محافظ رح تنهب و تبلع وما رح تعمل شي للبلد ...
قبل ما تطلب تغيير قوانين وتحديث و تطوير خلّي البنت عندك تتعلم و تقول رأيا ...
قبل ما تقول الشغل داقر والحالة الاقتصادية زفت ..!! انقبر فتاح محلك بكير وبيكفي تتفرج عالديجيتال ...
قبل ما تقول هلكونا الضرايب شوف حالك قديش عم تنصب وتربح و تزور وما حدا عم يحاسبك ...
قبل ما تقول "نظام" روح لشي محل وانقبر وقف ع الدور أو استنى ختيار يقطع الإشارة بدون ما تتحيون وتزمر ...
قبل ما تقول حضارة وتطوير لا تبصق ولا ترمي الوسخ بالشارع ، لأنو هي أرض الوطن وإن شاء الله بيبصق عليك الشعب كلو ...
قبل ما تقول ألنا مطالب ..!! لا تاكل هوا و تبيع صوتك بالأنتخابات وتنتخب هالكم نصاب وهالكم مجرم كرمال كم ليرة ... وروح انتخب حدا يوصل صوتك بطريقة حضارية ...
قبل ما تعمل حالك رايح تصلي بالجمعة تذكر شو عملت طول الأسبوع من كذب ونصب ونفاق ... والله ما رح يغفرلك إذا طلعت تشهنق مع هالكم حمار ...
قبل ما تقول الشعب يريد ...!! أنا رح قلك الشعب شو بيريد ... الشعب بيريد تحط صرماية بتمك و تخرس ...
( منقول فقط)
النتائج 1 إلى 2 من 2
العرض المتطور
-
04-22-2011, 10:32 AM #1Senior Member
- تاريخ التسجيل
- Jun 2006
- المشاركات
- 721
عـزيـزي الـمـتـظـاهــر الـــســــلــمـــي :
-
04-22-2011, 11:44 AM #2Senior Member
- تاريخ التسجيل
- Jul 2009
- المشاركات
- 305
رد: عـزيـزي الـمـتـظـاهــر الـــســــلــمـــي :
فعلا، إن الله لا يغير مابقوم حتى يغيروا ما بأنفسهم
وأيضا
إن الله يزع بالسلطان مالا يزعه بالقرآن
والحكمة القديمة تقول:
إن كان رب البيت للدف ضاربا...فشيمة أهل البيت الرقص
وشكرا لك فتى الشام وكل دعواتنا لبلاد الكراملا يـخـدعـنّك مــن عــدوّ دمـعـةً *** وارحـم شـبابـك مـن عدوٍ تُرحَمِ
ومن البليّة عذل من لا يرعوي*** عن جهلِهِ , وخـطاب من لايفهمِ
ومـن العـداوة ما يـنالك نـفـعُـهُ *** ومـن الصـداقـة ما يـضر ويؤلمُ
والذل يـظـهـر فـي الذلـيل مودةً *** وأود مـنـه لـمـن يــود الأرقـــم
رد مع اقتباس
ضوابط المشاركة
