قالت ستي ....

[رغد قصاب]

قالت ستي ....


قالت ستي تعى تغدَّا
عندي بكرة ع العصرية


ما رح تقلَّك بالطبخة
شوية سلطة ولقمة هنية


قلتلا والله يا ستي
من تمك أحلى خبرية


رح اربط بطني من هلئ
واعمل حمية بس ع المية
...
قالت ستي شو أطبخلك؟
قلتلا فاصولية



قالت كيف بتحب اليبرق؟
قلتلا طبخة أصولية


تحتو عصعوصين تلاتة
واللحمة فيهم مهرية


قالت شو منشان الكبة؟
اعملك كبة بصينية؟


وجنبا مبرومة وسفرجلية
وصحن زغَيَّرْ كبة نية؟


قلتلا والله يا ستي
انتي ست المفهومية


كل ال قلتيهن حبيتن
وكتريلي الأنواع شوية


جاية على بالي مشوية
ومقلية وكبة فرنية


...
قالت شو رأيك حلوانك
صحن مهلبية؟


قلتلا والله يا ستي
عامل حمية تقيلة شوية


بدي نزِّل شي كام كيلو
وزني ضارب فوق المية


بس ما بيمنع اسما صارت
زيديهم شي كم زبدية


رح طعمي منهم رفقاتي
ونيَّالو ال ستُّو سورية .
منقول

[عبادة الخطيب]

لو فرضنا ...... في حال تقدمنا بطلب فيزا زيارة الى اي دولة في العالم، يتم القبول فورا.... طبعا هذا يقتضي انو ما يكون الوضع بسوريا متل ما هو هلق وانما يكون في حال من الراحة والرضا والرخاء...
غمضوا عيونكم وتخيلوا واطلعوا شوي من الواقع الحالي......
شكرا رغد

[غالب الغول]

هذي أكلي شامية
تعملها الفلسطينية
فاصوليا ولحمة مشوية
وصينية قبة محشية
ونيالو إل ستو فلسطينية
@@@@@@@@@@@@@

شكراً لك أستاذة رغد
ومع أكله شهية
ناكلها في الصبحية
مع صحن مهلبية
تحياتي