ناطرك وحدي

[فايز كرم]

ناطرك وحدي سهران بليالي الشتي السراقه
ومابحب شوفك أبد.. متل شجرة هرهرو وراقه
خليكِ... بالهوى والحب و متل كل الحساسين
يلي ع طول الوقت ... بعشقها بتضل مشتاقه
شحرور الضيعة
16/11/2014
يسعدلي مساكم يا غاليين ....

انا هون ساكن ع جناح القمر
عم اغزل قصائد وشوية صور
تمّي معي يا حلوة الحلوين
وخبيك بقلبي من عين البشر
شحرور الضيعة
15/11/2014

[فايز كرم]

تلك بجنينتي صالة وغرفة
لحتى تهنئي بنومك وغرفي
بحبك بعدني تلميذ وغر في
لا تقسي ع قلب مابيحمل عذاب
شحرور الضيعة
17/11/2014

[فايز كرم]

كل .. ما اكبرت بالعمر ... أنا سنة
برجع بحن... كتير .... لعمر الولدنة
لأني وقتها شو كنت مرتاح البال
لاهم عندي ولا حزن بقلبي يهدني
واليوم الزمن علّي راخي كتير حمال
والقلب تعبان وما عاد الفرح يشدني
شحرور الضيعة
21/11/2014
يسعد أوقاتكم أصدقائي وأشكر كل من عايدني اليوم بعيد ميلادي سواء عالفيس بوك او بالاتصال او بالرسائل.... محبتي لكم جميعا اخوتي الاعزاء

[فايز كرم]

يا ميجنا ويا ميجنا ويا ميجنا
غمزات عينك علمتني الشيطنا
كنت فرحان لمّا منك اجاني تكتكي
و صرت وقتا من البرد ارقص تكتكي
ادخلي قلبي واسكني فيه و تكتكي
حتى نعيش ب عمرنا بسط وهنا
شحرور الضيعة
29/11/20104
يسعد مساكم اصدقائي ..........
صرنا ع قطع الكهرباء المستمر وغياب التدفئة وهجوم البرد
نرقص من التعصيب تكتكي........

[فايز كرم]

عند المسا والليل حالك بالدني
بشوفك بدر مضوي ع مر السنة
حتى إذا تهت بدربي .... أكيد
ما بشوف غيرك عالدرب يدلني


شحرور الضيعة
1/12/2014

يسعد مساكم أصدقائي الغوالي..... محبتي للجميع