من فن الواو (مصر)

[عادل صابر]

شَعرى دا من ليف نخيلك
من توشكا ممدود لطابا
والعقل مهووس بنيلك
واحتاروا فيه الطبابا
*****
لما تاخدنى المطايا
باخد رغيفك فى باطى
والقى دراعك ورايا
يسندنى ساعة شباطى
****
كنا حبايب وخالطين
نتلاقى وقت الشدايد
لا عم باقى وخال طين
صرنا وحايد وحايد
****
روَّح زمان القبايل
فى الهلس تاهت دروبى
بطّلنا سيرة الهلايل
وبنحكى عن مجد روبى !!
*****
والود فيكى ماتامر
والشارى والبايع اجرم
دا انا قبضى عطتيه لتامر
وحوافزى مع بت عجرم !!
*****
واللى شبع بعد جوعة
سيّب بلاده وجا حوشك
شايلة البصل م السبوعة
والقمح كلِتُه جحوشك !!
*****
من فعل ليّام مهموم
وعيونى دايماً بواكى
خايف يابلدى يجيكى يوم
والقى الدقيق فى البواكى
*****
وعطيتى للندل بلحك
وانا اللى زارعك بإيدى
وضحك عليكى وجلحك
وصبحت اقول له ياسيدى
******
وقفلتى بابك بترباس
ع الحصْو ذُلِّك رامينى
كام هلف فى الخد تار باس
طب ليه وانا تحرمينى
*****
يامصر حبك خوتنى
مااقدرش اعيش بره منك
مهما نيرانك كوتنى
عمرى ماحتبرا منك

[كاظم الفضلي]

يامصر حبك خوتنى
مااقدرش اعيش بره منك
مهما نيرانك كوتنى
عمرى ماحتبرا منك

الشاعر عادل صابر .. ماأجمل القول
بالفعل وتجسيده صور شعرية بليغة
صادقة المشاعر بالأنتماء والوطنية
تحيتي لك وأدام الله الود والأنتماء
لمصر العروبة وطنك الأم .. دمت مبدعاً .

كاظم الفضلي

[عادل صابر]

يامصر حبك خوتنى
مااقدرش اعيش بره منك
مهما نيرانك كوتنى
عمرى ماحتبرا منك

الشاعر عادل صابر .. ماأجمل القول
بالفعل وتجسيده صور شعرية بليغة
صادقة المشاعر بالأنتماء والوطنية
تحيتي لك وأدام الله الود والأنتماء
لمصر العروبة وطنك الأم .. دمت مبدعاً .

كاظم الفضلي

شاعرنا الكبير كاظم الفضلى مرورك شرف لى سيدى دمت لى ودام مرورك المعطر وكل عام وانتم بخير

[ريمه الخاني]

اهلا بك اهل مصر وبارك الله بك

[عادل صابر]

اهلا بك اهل مصر وبارك الله بك

الشاعرة الكبيرة والاديبة القديرة ريمة الخانى ...شكرا لمرورك المدهش وكل عام وانت بخير ومزيد من التألق والروعة

[ذيبان]

صح لسانك وشعر روعة يا الغالي
طاب يومك
ذيبان

[عادل صابر]

شاعرنا الكبير ذيبان
مرورك شرف لى سيدى وكل عام وانتم بخير