اقفـل يا ابنـي المعبـر

[دكتور أحمد الليثي]

صـوت الخـذلان العـربي في كـارثة غـزة:

اقفل يا ابني المعبر

مش ناقصيـن العـك ده كلـه
مش عـايزين تنطيـط وكـلام
اقفـل يا ابنـي المعبـر، سِـدّه
هات لنا طين معجـون بسخـام.

مـا تقوليش إخـوانَّا يجوعـوا
مش رايح اسمـع ليك تعليـق
ما تقوليش في صغار هيضيعـوا
أو جفِّ لْهـم مليـون ريـق.

والعيـان؟ ما يشوف له مصيبة
هو انا يعنـي طبيب لجنـابه؟
كارثة وحلِّت، واهي مكتـوبة
مش كان يعمـل هوَّ حسـابه؟

مش عايز اعـرف أيه حكايتهم
أنـا شغـال عبـد المأمـور
قالوا يميـن، تلاقيني سابقهـم
وِان أمروني .. راح اشهـد زور.

اللي يجـوع وعيـاله تتعـرى؟
طب وانا مـالي؟ الحق عليـه
واللي يروح ما يجيـش بالمـرة
مليون داهيـة يا ناس تتـاويه.

قالوا حصـار مضروب وسياسـة
أيش دخَّلنـي؟ ده شغـل كبيـر
كتبوا شكـاوي ف ميـة كراسة
صرخـوا وهات يا نهيـق ونعيـر.

أنا مش ناقـص وجـع الـراس
قالـوا عليهـم أوحـش نـاس
والمجتمـع الدولـي ما يكـذب
وآدي أمريكـا كلامهـا أسـاس.

بـلا أحـرار ثـوار بـلا نيلـة
داهيـة تشيلهم، خيبـة تقيلـة!
بكـرة تجيلهم شوطـة كبيـرة
وابقـوا تعالـوا اعملـوا هُلليلـة.

عايزين يا ابني نعيش ف سـلام
اقفـل يالـلا بسرعـة قـوام
يخـرب بيـت المعبـر واللـي
فتـح الفتحـة علينـا وهـام

اقفل ياللا عشان هننـام
اقفل ياللا عشان هننـام.

[فراس الحكيم]

هو لسا حيتقفل؟
فين القلوب الي تكسر الحجارة؟
اشد على يدك استاذنا وادعوك لقسم (مآثر ومنجزات )يمكن ترتاح شويه هناك
اهلا بنصك الجدبد
فراس

[ريمه الخاني]

مايحز في نفسي اننا كشعب لانعلم حقيقة الامور الا متاخرين ومعظم المصريين يقولون ان هذا لصالحهم\ربما لاافقه حديث السياسه.
لكن
الاهم هل مازال العرب على قلب واحد؟وكيف سينفعنا لو حصل؟
تحيه لحرفك الندي

[دكتور أحمد الليثي]

الأستاذ فراس
الأستاذة ريمة

شكر الله مروركم، وأسأل الله أن يعجل بنصره، ويثبت قلوب قوم مؤمنين.