باعوا المبادىء والضمير...عاميه مصريه

[عصام سامى ناجى]

الفساد راح وإنتهى
على إيد شباب ضربوا
المثل فى التضحيه
قالوا السكوت دلوقتى
أكبر معصيه
البلد محتاجه إيد
تبقى قويه
والجميع يشعر
بحجم المسؤليه
الجميع ينسى التردى والخمول
ويسير على نهج الرسول
يتصدا لاشباح الفساد
يرتفع صوت الجهاد
ويعم أرجاء البلاد
تصبح بلدنا ع الخريطه
قوه مش سهله وبسيطه
قوه بتقود العرب
بإتجاه نصر إقترب
ع اللى تاجروافى القضيه
حطوا إيدهم فى ايدين الصهيونيه
عاملين على شعوبهم أسود
وهما لامريكا مطيه
وقت مانقول المقاومه بيهربوا
ولاعمرهم بيقربوا
من شعب مل من وجوهم الغبيه
رجعونا سنين ورا
خلونا مسخه ومسخره
عملوا علينا أفلام كتير
باعو المبادىء والضمير
سلموا لجيش اليهود
ولاحد فيهم قام يزود
وغزه قاعده بتستغيث
اللى مد أيده وحاصر
واللى ساند اسرائيل
واللى ناصر
واللى حط المتاريس
واللى طفى الفوانيس
قدام شعوب كفرت
بكل الأحجبه
ناويه تخوض التجربه
بعد مالمحوا الدليل
من شعب مصر
وشعب تونس الجميل
ليبيا برضه على الطريق
شعب سوريا البرىء
اللى حقق بإيديه المستحيل
وإنتفض ضد نظام
طول عمره كان
حارس أمين لا سرائيل

[كاظم الفضلي]

الأخ عصام سامي ناجي .. أحييك على وطنيتك
وقوميتك وأقدر ثوريتك .. مشاركة جميلة
وموضوع شمولي في الطرح والمحكاة .
تحيتي لك .

كاظم الفضلي

[ريمه الخاني]

قصيدة مؤلمة لشعب لم يجد مابحث عنه بالدم....
لنا الله ياعرب

[أديبه نشاوي]

وهل هناك شي لم يبع بعد؟
شكرا لشعرك النابض بمحبة الوطن..
وفقك الله
اديبه

[عصام سامى ناجى]

الأخ كاظم شكرا على المرور الكريم
دمت بخير

[عصام سامى ناجى]

الأخت ريمه إذا خذلت الأنظمه العربيه الشعب السورى
فهناك الشعوب العربيه التى ستقدم
الدعم اللزم ولكنى أعتقد أن الشعب السورى
قادر على إزاحت ذلك النظام البائس حتى ولو
وقف العالم كله ضده وليس ايران وروسيا وحزب الله
وبعض المستبدين العرب

[عصام سامى ناجى]

ضمير الشعوب العربيه من المحيط إلى الخليج غير قابل للبيع ياأخت اديبه

[عصام سامى ناجى]

الأخ جريح فلسطين ان الثورات العربيه
كلها تصب فى صالح القضيه الفلسطنيه
فقد كنا نقول نحن المصرين أن تحرير فلسطين
يبدأ من تحرير مصر من نظام مبارك البائد
ولكن كل ما نرجوه أن تصبروا علينا حتى نرتب
البيت الداخلى المصرى

[جريح فلسطين]

آلمتني أيها العربي الحر....
لنا الله أيها العرب
غزة