يا بهية اتلمـي شويّـة

[دكتور أحمد الليثي]

يا بهية اتلمـي شويّـة
احتشمي يا ناصبة الخيّة
هو انا ناقص بسلامتك
ما انا عندي اربعة يا ولية!

وشِّك أحمـر كاروهات
حطَّالي كـريم وبويات
وشانيل أبو ألف جنيـه
بوظوا عندي الأساسات.

يستر عرضك وقوامـك
أنا هامشي أهوه قدامك
أخرتي هتكون على إيدك
لو بحلقت في أقدامـك.

استـرها معايا يا ستـار
واخداني من الدار للنـار
يا بهية كفاية أبوس إيدك
لأَّه، أنا قصدي هـزار

هو انتِ ما صدَّقْتِ أقولها
غلطة، ومش رايح اعيدها
والله ده شغـل النساوين
ما في كيدة إلا وبتكيدها

حد يشوف لنـا كده صرفة
مش نافع بقى شُـرب القرفة
دي بهيـة وراسمـاها عليَّـا
خطـة بـس بـدون زفّـة.

آدي رُكَبي سابت ومافيش
في دماغي غير فكرة طيش
ما انا برضه دم وأعصاب
يا تلحقوني، يا ماتلحقونيش.

[ريمه الخاني]

هو فيه ايه بسلامتها؟
همشي ولا حمشي؟
طيب
لما نشوف اخرتها معاك؟ ياشعر العائلات.

[ابراهيم خليل ابراهيم]

بهية عاملة صبية
حاته كحل ومتحنيه

[بنان دركل]

جميله جميله جميله
الف شكر لكرمك بنص رائع
بنت الشام سلامنا لام بهيه!