عشانك يا مصر 00 الإهداء إلي كل من يعشق بلده في بلاد الغربة

[الشربينى خطاب]

عشانك يا مصر

عشانك يا بلدي
يا واحة الأمان
أموت زي جدي
وخالي وعمي
اللي باعوا حياتهم
فداكي من زمان
*****
أنا طالع زيهم
ميت من زمان
ف ورد وليلك
وزقزقات
عصافيرك
وغصن الحليوة
اللي رقص لي
لمَّا
هز الهوى
الرمان
****
أنا لمَّا ببعد
عنك
ألقاني راسم
صورتك
في قلبي
وخيالي
منا اسمي
هو اسمك
قمر ف السما
عالي
ونسمة هوي
وحنان
****
ف الغربة
أناجي طيفك
ألاقي روحي
شارده
ف بلاد
مشاعرها باردة
ونجوم لياليها
باهتة
والنسمة
ساكنة وساكته
حتي القمر
ما بَّان
******
الغربة حضناني
أنا والليالي
الطويلة
حضن
مفهش أمان
يا خدني شوقي
ليكي
شوق الهوي
العطشان
ألقاني
قبل ما يجيلك
أتمني شربة
نيلك
أو كلمة
تريح بالي
أونظرة
تشفي عليلك
أو غنوة هوي
في موال
تجيني
وأنا ف الغربة
وتاخدني بالأحضان
يا محضَّرالي
سبيلك
والحضن لمّا
باجيلك
أشرب
واروي روحي
تطيب يا غالية
جروحي
وقلبي
اللي كان تعبان
*****
فا مهوش كتير
عليكي
أجمع
من غيط السما
قمر وحبة نجوم
فيطير
من عيني النوم
أعملهم عقد ليكي
وارجع وشوقي
سابقني
من غير عتاب
ولا لوم
أترمي
في أحضانك
وأموت كمان
وكمان

[ريمه الخاني]

حب بلدي نساني اسمي
نساني حتى طيف رسمي
بحبك يابلدي
وحفضل احبك مهما كان
وستبقى مبدعا
رعاك الله

[امير الليل]

يعطيك العافيه
كلمات قمه في الروعه

[جريح فلسطين]

جميعنا نحب وطننا ولكن كيف سيكون الحب؟ وكيف يترجم وماذا سنقدم للوطن بالفعل؟ هذا هو السؤال
قصيدة من حرير
جريح فلسطين