عيد ابن بهية

[عصام ميره]

عيــــــــد ابن بهيــــــــة
عصـــام ميـــره
................................................
من غير مبارك .. يابن بهية .. عيدك مبارك

نام ياشهيد .. براحة وأمان .. أخدنا بتارك

يوم خلعناه .. الدنيا بحالها .. جاية تبارك

بعد ماكانت .. تلف وتدور .. تشم أخبارك

كل اللى تاخده .. ضحكة وكدبة .. وريحة غبارك

كنت القمر .. وكل النجوم .. تلف فى مدارك

عايزنا نسامح .. دلوقتى القرار .. معدش قرارك

بعد القصور .. وعيشة الملوك .. مت فى مرارك

لما وقعت .. تقدر تقولى .. مين اللى زارك

أخيرا عرفنا .. خلعت القناع .. عرفنا مسارك

الكل زهـــــق .. الكل خــرج .. الكل شـــارك

ياراجل اتسلى .. فين ضحكتك .. راح فين هزارك

دلوقتى نفسى .. يقروا عليك .. سورة تبارك
.................................................. .
كلمات : عصـــام ميـــــره

[ريمه الخاني]

آه على شعوبنا المسكينة
ونقل للشعر الشعبي

[كاظم الفضلي]

شكراً للأخ عصام ميره على هذه القصيدة
الجميلة التي تعبر عن وطنية أكيدة .. اللهم
أحفظ شعبنا العربي وأحقن الدماء ولا تجعل
أوطاننا في خراب .. محبتي لك .

كاظم الفضلي