فى حب مصر"قصيدة قديمة من أيام الصبا "***********يامصرعاشـــــــــق ترابـــــك مهــــما أتـــغــــبّـــرمن ســـلسبـيـل ميتِّك بااتــــــوضــا واتطــــــــهّرعلى شط نيلك بااغــــنِّى وازرع المـــــواويليام الكرم والهـــــــرم والقلعــــــــــة والأزهــــــرـــــطول عمره ولدك جدع ولاكنشى مرة عويلومهما حملك تقل تلاقيه يعين ويشــــــيــــلدايماً فى وقت المحن واقف مايحنى الضهرشامخ كما الدهر شارب من عكار النيـــــــــلـــــــع السد واقف بااغنى للزمـــــــن مـــــــوالعن بنت سمرة ورامية فوق كتافها شــــــالعلشان جمالها اضحّى بروحى وعيــــــــــالىوابرم فى شوك نخلها على قدمى للشــــــلالـــــــفى الحرب والسلم رافعة ع الدوام راســــكلا ف يوم خفضتى الجبين ولابعتى يوم ناسكوان حد شتمك فى يوم أو داس على طرفــكيرجع فى حالة ندم ويبوس على مـــــداســكـــــــياللى هـــــواكى وشمســـك جنّنـــــــــوا الســـواحمن كـــتر شوقهم بيــــنسوا ساعـــــــــــة المرواحياسمرة حضنك دفا جميزة سايعـــة الكــــــــليامصر علشان عيونك ترخـــــــــص الارواحـــــــــوبـــرغم زمن البكا لســــــــــــة باغنيـــــــلكواقعد على الشط واتمدد وابوس نيــــلكوف ساعة الكرب تلاقينى انا الصامـــــــــــدوف ساعة الحرب فارس فوق ضهور خيلكـــــــــفى الغربة دايماً انادى عليكى الاقيكىوالمح دموع الفراق بتصلى ف عنيكىافرد قلوعى فى وسط الريح واقوم راجعشايل فى قلبى الأمانى والأمل ليــــــــكىــــــــــــياللى كلامك نغم يروى قلـــــــــوب الناسحبك فى قلبى بيسرى من القـــدم للراسبااصحى ياسمرة واصلى الفجر وادعيلكواطلب من الله ينجّيكى من الأنجـــــــــاســـــــــبتباتى من غير عشا ولايوم تبيعى العــــرضوبطرف شالك تغطينا فى ليل البــــــــــردياامايا نفسى اوصفك بس الكلام تايـــــــــهمااملكش غير انى اقول يامصر حبك فرضــــــــــعلى صخر جبل المحال رسم الزمان صورةلصبية سمرا ورابطة الحردة ع القــــــــــورةالإسم خضرة وفرحانة وســــــــت النـــــــاسعاشت الاسامى لكين الأصل منصــــــــــــورةــــــــــطول عمرى شاعر وبااكتب فيكى اشعارىحبك يامصر الأصيلة صنعتى وكـــــــــــــــارىبااكتب وقلمى صنعته من كعاب البــــــــــوصوالحبر من ميـــّتك ـــــ والميـــــــــة بحّـــــــارىــــــــدا انا كنت يوم سندباد ومركبى خـــــــدِّكلفيت جميع البلاد مالقيت جمال قــــــــدكوان خدنى ريح البعاد ولاّ رمانى المـــــــوجانده ياطاهرة مدد....القى الأمـــــــــان ردِّكــــــــــراكب حصان الأمل ملفوف بأحـــــــــــــلامىبادر تقاوى العمار ع السكــــــــة قـــــــــدامىيخضّر شجر النهار يهزم ضــــــــــلام الليــــــــلتطرح عيدانك دهب تحـــــــــلو أيــــــــــــامىــــــــــعاشق هوا العصر لما يرقِّص الصفصــــــــــافواحب فيكى أنين الساقيــــــــــــة لما تنوحويوشوش النخل ويغنى مع الكرنـــــــــاف
تروى غيطان العنب ماتخلِّى حتة نشـــــــــافـــــــــعاشقك صبية جميلة حارسة غيط الخــــــــسوشب ماسك قصب فى ايـــده ونـــازل مصعاشقك قناية وترعة ومصطــــبة وشـــــــادوفواخاف عليكى واغيـــــر لو حد مسِّك مــــســــــــوعيال بطول النهار بتغـــــــط فى الميــــــــةقالعين هدوم الشقا ع البــــــــــــر مرميــــــــةوبرغم غدر البحور والموج شديد عـــــــــاتىلا عاد ياخافوا الغرق ولا يخـــــــــــشوا جنيّةـــــــــواحب فيكى بنيـــة بتـــــلعب "الأولـــــــــــــــة*"واهوى حجاوى العيال عن امنا الغولـــــــــةامشى فى ضل البيوت اسمع حكاوى الحبوامسك حبـــال الوداد الاقيها موصــــــــولة!!ـــــــــعاشقك ياصبح الشتا والدنيـــا سهرايـــــــــــةووشوش بريئة قوى لا عـــــــلام ولا قرايــــــــةيامحلا نار الحطب يامجــــــــــمِّعة الفـــــــــقراوالبرد ناقش على تـــــراب الوشوش آيـــــــــةــــــــــفى الجرن تحت القمر ياما لعبنا " الطاب"*والشاى فى دمس الكانون بيجمِّع الأحبابنلعب ونشرب ونسمع ضحكة " النــــــــــورج* "والدنيا متبسّمة والعمر لسّة شــــــــــبـــــــــابـــــــــواما يغيب القمر نحكى عن العفــــــــــاريتوالعتمة فى الليل بتخلّى البيوت توابيتواما يطل النهار يهتك ستـــــــار الخـــــــــوفنضحك على نفسنا ونقول أهى حواديت !!ـــــــــوف بطن ليل الهموم حسِّك فى ودنى ونيسأمشى فى غيطان الدرة وارقد على الدرابيس*ومهما جار الزمن يامصر عمرى مااخـــــــونراضى بحلال لقمتى لو كلـــــــــتها بسريـــس*ـــــــــعاشقك رحاية ومدرايـــة وبرج حـــــــــــمامويتيمة وسْط الغيطان تشقى على أيتـــــــــــامتوبها اللمونى اشتكى لما الزمان خانــــــــُــــهوالصبر على وشها راسم شقا الأيـــــــــــــــــامـــــــــحبلت أراضى الجبل ولدت لنا غلـــــــــــــــةوالصحرا بعد الهجير طرحت شجر ضلــــــــــةمحلاك ياطرح الشقا ياغنــــــــوة الفــــــــــــلاحيابو قلب صافى شبيه المــــية فى القلــــــــــةــــــــحالفين بسورة يس والنازعـــــــات والنـــــــورنروى شقوقك عرق ولا شبر فيكى يبـــــــورنبدر تقاوى الأمل تطرح غيطانك حــــــبيتهنى ولدك ويبقى ع الــــــدوام مستـــــــــــورــــــــــلو قلت مهماً اقول ابداً ماحااوفيــــــــــكىياللى جدور الكلام سارحة ف أراضيــــــــكىسامحينى يامصر لو مرة عليكى جـــــــــنيتراجع وكلى ندم عشــــــــمى أراضيــــــــــكىــــــــيامصر حبك بقى ف حنك العيال مــــــــوالغنيوة تحت القمر وقت السهر تــــتـــــــقــــــالتروى العطاشى نغم وترقِّـــــــــص الأوتـــــــــارتشبه خدود الصبايا ورنّـــــة الخــــلخـــــــــــالــــــــولادك السمر على درب الزمن سايريـــــنماشين يمدّوا الخـــطاوى ع الألم دايسينقايدين شموع الأمل وسط الضلام والريحانتى ف عنيهم بهية وهما ألــــــــــف ياسينــــــــفى الصحرا واقف أنا والدنيا قيالــــــــــــــةباامسح بكمى العرق والدمعة سيالـــــــــــــةماسك طوريتى وبااغرزها فى قلب الصخرواقول يهون التعب طول مااحنا رجّالــــــةـــــــــمصر العلَم والقلم والجرن والمحــــــــراتفى كل مطرح تلاقى لإبنها علامـــــــــــاتيشهد عليه الهرم والبرج والمعــــــــــــــــــبدإنه بطول الزمن شامخ وله كرامــــــــــــــــاتـــــــــــمصر العمار والخضار والنسمة والمواويليخضّر فيها الحطب ويزغرد القنديـــــــــــلنمنا على حجرها ورضعنا من نيلهــــــــــــارغم اختلاف الملل قرآن مع انجـــــــــــيلــــــــــمصر الهوا فى العصارى وضحكة النوّارفتِّش فى طوب أرضها تعرف كتير أسرارترابها كحل العيون للى عماه البـــــــــينونسيمها احسن دوا للتايه المحـــــــــــــتارـــــــــمصر الصفا والعفا والفرْح والأعيــــــــــــــادمصر اللى رسمت طريق النصر للامجادرافعة جبين العرب حافظة كرامتــــــــــهمهى اللى ضحّت عشانهم بالولاد والزادـــــــــــمصر الزمان والمكان والقصة والحكاياتمصر اللى طول عمرها شجرة على اللماتتعريشة فوق الشهيد ..فى القيلة ضليـــــــلةـــــــــتتذكر الحى ....تترحم على اللى مــــــــــات
ناح الحمام ع الشجر ..دمع المنابر ســال
والخلق من حزنها نزفوا الدمــوع شــلال
ياصاحب العــلم ياللى كــلمـــتك نــبراس
باقى ف قــلوبنا ولو حتى غيابك طـــال !!
ــــــــ
خليك معانا ياراجــــل لســـة باقى كـــتير
لســة قصار السوَّر محتاجــــة للتـــــــفـــسير!!
مدد ياشيخنا مــــدد ..نظرة ياشــــعراوى
على درب علمك بقت كل العقول بتسيــر
ــــــــ
فى الحق صاحى وجرئ دايما ورافع الراس
لا خفت يوم من حقود ولا همّك الأنجـــاس
وكنت زى الجبل واقــــــف فى وش الريــــح
ياموت ومين علّمك تخطف اعــــــــز النـــاس!!
ـــــــــ
جف القلم والألم لســــة فى قلوبنــــا بِــــــــكْر
ياللى مليت العقول من كل عـــلم وفــــــــــكر
مين اللى ممكن يكون بـــعدك ياسيّــــــــدنــــا
لو عنّا رحل الجسد ..باقى وخالد الـــــــذكـــر
ــــــ
لوكان يفيد الرثا ..أفضل حياتى ارثيــــــــك
ولو البكا يرجِّعك لأقضّى عمرى ابكيـــــــــك
مافاضلش غير الدموع اللى كـــــواها الحــزن
سكت الكلام والعباد تشكى الفراق بعديك!!
ــــــــــــــ
مصر الحنان والأمـــان والأرض والأنســـــــــان
على طينها ولد التاريخ قبل الأوان بـــــــــــأوانرمسيس وميـــــنا ورع شبّوا على تـــــــــــرابهــــــاونادى "تون" اعبدوا واحد أحد ديـــــــــّــــان !!ــــــــــمصر الوحــــيدة اللى أورد اسمها القـــــــــــرآنواختارها رب البرايا قبـــــــــلة للإنســــــــــــــــانموسى وعيسى المسيح ناموا فى احضـــــــــانهاصبحت طريق للمبالى ومهــــــد للـــــــرهبــــانــــــــــمدد ياسيدنا الحسين ...نظرة لأحبابـــــــكواقفين حيارى عشمنا نخطّى اعتابـــــــــكياإبن ينت النبى ــــ صلوا على جـــــــــــــدُهعاصى ونفسى اتوب ..افتح لى ابوابــــــكـــــــياست زينب مدد ياام المقام عـــــــــالىنظرة ياطاهرة بتشفى القلب طــــــــــوّالىصعيدى جاى من قنا عشمى اكون خدّاماكنس مقامك واشكى بلوتى وحــــــــالى !!ــــــــــيامصر ليكى على كل الحــــــــــروف تفسيررسمك عيال المدارس لوحة بالطبــــــــــاشيرصورة لبهية بـــتــــنده ع العيال الســــــــــــمرخايفة عليهم من القيــــلة وريح امشـــــــــــيرــــــــالميم مرايا على جـــــــــدار الزمــــن بتطلتعكس طريق الأمل والفجر لمـــــا يهــــــــــلمدفع ومصنع على طــــول الــــــــــزمن دوّارمحروسة يامصر ودروبــــك أمــــــــــــان للكلـــــــــالصاد صبية جميلة لابسة شال اخـــــــضرماشية تهز الفلَك ع الجسر تتمخـــــــــطرصابرة فى وقت البلا مايهدها التيــــــــــاروان جار عليها الزمن تصمد ماتتـــــــــأثرـــــــــــالراء رفاقة على جسر الوداد ماشيـــــينمتلفحين بالنهار درب العمار طالعـــــــينرصاصة حامية فى قلب اللص والمحتالرحاية تطحن عضام اللئما والخــــــــاينينــــــــــيامصر ياما الهوى جــــــــــــــابنى وودّانىجمّال وياما حديت ع السكة وحـــــدانىوقت الشدايد أنا دمى فدا لبلـــــــــدىوابيع فى ساعة المحن جملى وفدّانىــــــــــيامصر ياام الأدب والعلم والهمــــــــــــــةياللى ولادك تمللى فوق على القمــــــــــةبالصبر ويّا العمل داسوا طريق الشـــــــــوكلا فرّطوا فى الشرف ولا باعوا يوم ذمـــــــــةــــــــــسعد وعرابى وجمال كانو رجال أحرارمن بعدهم جه مبارك قطّع النــــــــــــــوّاروبدل جرون قمحنا بالسم والسرطـــــــانماهى دنيا زى السواقى والــــزمن دوّارــــــــــالله يرحم جمال ــ دا كان بطل بصحيحصعيدى قال كلمته ولضحة بدون تلميحاللى يعادينا نعاديه لانخاف ولا نطـــاطىكان زى كتف الجبل مايوطّى يوم للريحــــــــــلومات مابينا بطل ياجى وراه أبطــــــــــاليمشوا فى ضل العلَم ويأدبوا المحتـــــــــاللا يخافوا يوم من جبان ولا يخشوا من جاحدحالفين يشيلوا العفن ويشتتوا الأنـــــــــــدالــــــــــاحلف بصوت المكن والشرشرة والفـــــــاسوالنيل وغيط القصب وام الهنا وعبـــــــــــاسحتعيشى يامصر طول الدهر مستـــــــــــــورةوحتبقى كلمة ولادك للزمـــن نبــــــــــــــــراســـــــــــيابادر الخير حبك فوق هامتنا تــــــــــــاجماعدشى فينا بقى عاطل ولا محتـــــــــاجيازارع القمح فى بطن الجبل والصخرشمّر سواعدك وإدفع عجلة الأنتــــــــــاجـــــــــسير للأمام يابطل ياللى طريقك نــــــــوربالكد ويّا العرق نروى الأراضى البـــــــــورواحنا معاك ع الطريق مهما يكون واعــــــريامصر شعبك على طول ازمان منصــــــورـــــــــــــفى كل يوم الهنا فى أرضنا بيزيـــــــــــــدياأرض طرحت غنا ويافجر هل جـــديدافرد قلوعك فى بحر السعد ياريـــــــــــستحبل عيدان الأمل تولد سعادة وعيــــــــدــــــــمحمود وبطرس وعبد الحق وشنـــــــــودةعايشين فى ضل الوفا والإيد ممـــــــــدودةنبنى وننتج ونعدل دفــــــــــــة القـــــــــــاربوننقى غيط السلام م الآفة والـــــــــــــدودةــــــــــــــيوم العبور والهنا له ع الطريق علامـــــــاتاولادنا جيل بعد جيل بيرددوا الحكاياتاسطورة واتحطمت كان اسمها بارليــــــفالله يساعد ولادنا ويرحمك ياســــــــــاداتـــــــــكان حلم ساكن قلوبنا ترجعى لينـــــــــالا فى يوم تركنا الأمل ولاعمرنا نسينـــــــاوف لمحة البرق عاد الحق لاصحابـــــــهرجعت رمالك دهب ورجعتى ياسيـــــــــناــــــــعدينا بحر الألم خدنا الإيمان مجدافواللى معاه ربنا عمره فى يوم مايخافوبإذن واحد احد حطمنا جبل الزيــــفرجَّعنا ارض القمر بالحق والإنصــــافـــــــــزغروتة م القلب ياسمرة فى يوم فرْحكأهديها لاام البطل اللى شفا جرحــــكواللى زرع رملتك ورواها مــــــن دمــــــــهوفتح بيبان النهار وجد الهنا طرحــــــــكـــــــــصعيدى كان الولد او حتى بحـــــــــراوىعوضين هريدى حسن عبد الله برشاوىصيـــــاد مهندس مــــــــــــزارع او مغنّاوىكان قلبه زى الأسد على نصرتك ناوىــــــــــكان زى احمس ورايح يهزم الهكسوسمسلم مسيحى ....حمدالله أخو قدّوسفى ساعة الجد كان الكل متحـــــــــــدينلا كان غرضهم طمع ولا كنشى جاه وفلوســـــــــــلكل واحد ديانة والوطن للكـــــــــــــــــلوالكل مستنين الفجر لما يطــــــــــــــــــــليفرش طريق الضلام ويهل انـــــــــــــــوارهيلضم خيوط المحبة بالورود والفـــــــــــلـــــــــــبعد الصلا ع النبى ...ارجع لمرجوعىمصر النزيهة الشريفة اصل موضــــــــوعىرغيفى من قمحها ومن قطنها تــــــــــــوبىهى اللى وقت البلا تعرف أوان جــــوعىـــــــــــــالفين سلام ياجدع ع الدلتا والـــــــوادىهما اللى منهم ياخـــــــــال زادى وزوادىطول عمرى مغروز فى طينهم زى عود القمحوبعد موتى حااسيبهم ورث لـــــــــولادىـــــــــــهمّا الرغيف والبلح والطرحة والمنديـــــــــــلوهواهم العطر له ريحة وألــــــــــف دلــــــــيليافرحة اللى روى قلبه بميـــــــــــة مصــــــــــــرلابد ما ف يوم يعود ويبوس تراب النيـــــــــلــــــــــنجيب يامحفوظ رواياتــــــــــك مأنسانــــــــاوصفت فيها ألمْنا وحالنــــــــا وأسانـــــــــــــــــاوعشت طول الزمن شـــــــــامخ كما الأهرامواحنا " الحرافيش" وقلبـــــــــك هو مرسانـــــــا" اللص" شاف " الكلاب " مقدرش مرة يفوتــــــــ
كان نفسه يسرق من الحـــارة شويـــــة تـــــــــوتقام ياب حارتنا قوام ودخل فى "قصر الشوق "لقى الرجال ع السلالم واقفــــــة بالنبـــــــــــوتــــــــــياعم طه حسين كانت لنــــــــــــــا أيــــــــــــــــــام" على هامش السيرة " ياما شفنا حكم وكـــــلامفى الفجر نصحى ويشجــــينا " دعا الكروان "وصــــوت " هنادى " مــازال بــــاقى مع " الأيام "ــــــــــــالله يرحم فؤاد حداد وعمى صـــــــــــلاحقالوا كلام فى الأدب خلّوا الهموم تنزاحمدد يابيرم مدد ....نظرة ياشيخ سيــــــــــــددرويش انا فى حيكم ولا قلبى يوم إرتاحـــــــــــمصر الفنون والطرب واللحـــــن والمعنىلو قالت الآه تـــــلاقى الآه توجعنــــــــــامصر الشجن فى الليالى ودمعة الأرغــــولوكل عاشق بكيفـــــه يفهم المعــــــــــــــــنىـــــــــــياست ياللى وزنتى الكلمة بالمنديـــــــللما تميلى مع الكلمة ..قلوبنا تميــــــــلياكوكب الشرق ياللى الغرب شهدولكحبيتى كل القلوب " وعشقتى كل جميل "ـــــــــــ" شمس الأصيل " فى السما حلفت مايوم حتغيبو " قصة الأمس " موسوعــــــة لكل حبــــــيبأنا " لسة فاكر " زمان الحـــــب وعذابـــــــــه" هو صحيح الهوى غلاب " لكنـــــه نصيــــــــــــــبـــــــــــــ" أمل حياتى " اللى كل الخلق عشقوهـــــــاو " سيرة الحب " يامــــا النــــــاس غنوهـــــــــــــادا " حب أيه " اللى ساكن فى الحشا والروح" قالوا المحبة قدر " انا قـــــــلت داروهـــــــــــــاـــــــــ" فات المعاد" والولاد لسة تقـــــول اللـــــــــــهدايرين بكاس الغرام لجل الحبيب يملاه" اهل الغرام يازمن تركوا مضاجـــــعهم "راحوا لطبيب الهوى يشكوا النــــوى وأساهـــــــــذكرى الحبايب كلام دايب على " الأطلال"توصف مكان الدوا للى عذابهم طـــــــــــالسألوكى ع الحـــب قلتى "حلاوته بالقنطار"وانتى اللى أفتيتى على القبلة وقلتى حلالــــــــ" ع التوتة والساقية " غنى حليم موالـــــــــــهلما " رماه الهوى" نوَّح على حالــــــــــــــــه" سواح " وماشى يدندن للعذاب والحبتحت " الليالى " بكى من تقل احمالـــــــهـــــــــ" عدى النهار" ياحليم والشمس ماغابتخليت قلوب العذارى فى الغــــــرام دابت" زى الهوى " فى المغارب ع القلوب عديت" فى يوم فى شهر فى سنة "كل الجروح طـــــــابتـــــــــصليت فى درب الهوى " ياللى الهوى خالك "وعشقت " حضن الحبايب " بس ماشالــــــكوندهت عرّافة لجل تشوفلك الفنجـــــانبصت بحسرة وبكت ..شفقت على حالكــــــــــــغنيت فى "شارع الضباب " ليَّل عليك الليلعلى "ضى قنديل " مشيت وناديت " يايمة الويل "مدحت نور القمر وهويت " ليــــــــــالى الصبر "وحدفت للحب غنيوة وكـــــــــام منديــــــــــــلــــــــــعبد الوهاب ياللى صوتك للعطاشى سبيلمن شهد عودك شربنا دندنــــــة ومواويــــــــلعدينا بحر النغم على مـــــــركب الالحــــــــانيانبع دافى وصافى زى نهـــــر النـــــــــــــيلـــــــــيامصرى قوم وابتسم وبـــــــص قدامــــــــــكومهما جار الزمن ماتبعش احــــــلامــــــــــــكامسح دموع الالم وادهس غيطان الشــــوكلو كات همومك جبل دوسهــــــا بأ قدامكــــــــــقوم غنى تحت القمر واطربنا بالمواويلدى بلدنا فيها الشجر حاضن شطوط النيلإمحى زمان الضجَر وارميه ورا ضهـــــــركبالحب ويـــّا الامل ليك الحجرــ ح يلـــــــينـــــــــانت المعلم وانت القاضى والبنـــــــــــاوانت اللى ساعة البلا بالدم تتحــــــــــنىانت اللى جبت النهار وفرشته سجـــادةصلى عليها الزمن من بعد مااتمـــــــــــــنىـــــــــانت اللى ياما بنيت ولا كنت مرة تهــــــــدبإديك حفرت الكنال علّيت معاها الســـــــدلاف يوم شكيت م الحمول ولا كنت يوم جاحدفى الشر قدمك بيبطى ـــــ فى الهنا بيــــــــــمدـــــــــــالسيل فى الليل هجم أخد الولد والـــــــــداربالدم بكت العيون والدمع كان أنـــــهــــــــــــاروصبرنا ع اللى انكتب والحزن مالى القلبقلنا قدرنا كدة مكتوب مامنــــــــه فــــــــــــــــرارــــــــنمنا فى بطن الجبل وف عز ليل طوبــــــــةوفرشنا حصر الهموم على أرض معطوبــــــــــةعضم الغلابة صرخ من عضة الأيــــــــــــــــامقالوا نصيبنا كدة ودى حاجة مكــــــــتوبـــــــــــةــــــــوكنا زى الأسود رغم اختـــــــلال الحـــــــــــالدسنا طريق الألم ولا عدشى بينا محــــــــــالعدينا بحر الخطر وهدمنا سور الخـــــــــــوفلا ف يوم حنتنا السيول ولاهدنا الزلــــــــــزالـــــــــــطول عمرنا فى المحن لا نخاف ولا نتهابواقفين فى وش الرياح مايهزنا الطيّــــــابطين الطريق للركب لكن مازحلقنــــــــــــافاتحين شرار الغضب ع الغدر والإرهابـــــــــدم البرايا جرى غرَّق دروب الــــــــدربصابهم رصاص الغشم صاد العيار القــــلباطفال فى عمر الزهور والبسمة فى عنيهمضاعوا ومن غير سبب ماتوا ماليهم ذنبــــــــ"شيماء"* بتصرخ بنسمعها فى كل شروقتنزل دموعنا وتطفى قلبنا المحــــــــــــروقدمك ياشيماء رسم وردة على الكــــــــــراسولسة صوتك فى ودنى بالألم مخنــــــــــوقـــــــــــكانت بتحلم وحلمها كان بسيط ع القدلا مرة غلطت ولا اتعدّت فى يوم على حدكان قلبها لاخضرانى زى عود برســــــــــيمكات فاتحة باب للأمل لكن فى لحظة اتردـــــــــحلم النية اترمى فوق الطريق مجـــــــروحقلب الصبيه رقص ساعة طلوع الـــــــــروحآه يازمان الألم والغـــــــــدر والتوهـــــــــــــــةمشنوقة فيك البراءة زوالأمل مدبـــــــــــوحــــــــــيرجع كلامنا لعالم فى البلد خـــــاينـــــــينلا من الغلابةن اختشوا ولادمعة المساكيناندال بياكلوا فى خيرنا ويدبحوا فينــــــــاباعوا الضمير والشرف والمرجلة والديـــــــــنــــــــحُرّاس بلدنا اللى ياما كتير حرسونـــــــــــادول زى نور السكك فى العتمة يحمونـــــــاليه تقتلوهم وتدبحوا بسمة الاطفـــــــــــــالوهما دول اللى وقت الشدة نجدونــــــــــاــــــــــسُواح فى اتوبيس وجايين البلــــــــــــد زوارمتشوقين للهـــــــوا والشمس والأنـــــــــــــوارجايين يشوفوا الهرم والنيـــــــــل والقلعـــــــــةصبحوا جثث ع الطريق ولا كملوا المشوارـــــــــاولاد بلون الربيع ماشيين فى سكتــــــهمبيغنوا غنوة أمل على لحــــــــن سيكتـــــــهم*طالعين فى رحلة وفرح الدنيار فى عنيهمراحوا فى غفلــــــــة وشبح الموت سكّتـــهمــــــــجثث الغلابة على ضهر الطريق بالكـــــومسابوا يتامى ماداقوا بعد موتهم نـــــــــــومحلم الفقارى لبس فوق الرصيف كفنـــــــهنزلت دموع الأرامل فوق خدودهم عومــــــــــالشمس لمت ضفايرها فى وقت العصرصرخ النهار واتلوى كبدى عليكى يامصرخايف عليكى من الأندال والخونــــــــةوانتى اللى ياما ندهتى للسلام والنـــــــصرـــــــــــياللى قتلتوا القمر يحرم عليكو الضـــــــىياللى هدمتوا الديار ماعدشى ليكم حىياللى خنقتوا الكلام صوت الحقيقة جىياللى دبحتوا البرئ المولى قادر حــــــــىــــــــيانخل طارح وطافح من عكار النيـــــــــــــلإياك فى يوم تنحنى ..اوعاك فى مرة تميلتركب عليك الكلاب وينجّسوا بلحـــــــــــكتفضل بطول الزمن واطى وجبان وذليــــلــــــــــاوعاك يامصرى تبيع الأصل مهما يكــــونومهما كان التمن اوعى فى مرة تخــــــونتعمى عيونك ولا تعرف طريق قدمـــــــكتضحك عليك الأمم وتصير خسيس ملعونـــــــــاوعاك تصاحب ولاد القردة والخنازيــــــرتغرق فى جهلك ولا توصل قرار البيـــــــرتاخدك رياح العفَن ترميك فى بحر الذلتبقى فى وطنك وتصبح للصهاينة أجيـــــرــــــــــيامصر ياام الكرم والمرجلة والنـــــــاسرغم الجراح والألم عايشة ورافعة الراسفى ساعة الكرب واقفة بعزة وكرامــــةلو ملتى يوم للعدو نبعوكى للنــــــخّاســـــــــــملعون ياللى تبيع بلدك لناس ذلوكاصلك عديم التنا خاين لعهد ابوكوصانى ابويا وصية عمرى ماانساهااوعى ياولدى تآمن مرة للى خانوكاوعى ياولدى تآمن مرة للى خانوكــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــهامش* الأولة ...لعبة ريفية بدائية يلعبها اطفال الريف البسطاء* الدرابيس....حواجز ترابية تفصل الحقل عن الاخر*الطاب.... لعبة من جريد النخل يلعبها شباب الريف البسطاء
*السريس.... نبات تلقائى يشبه الخس ينبت فى البرسيم* السيكا ....مقام موسيقى*النورج.....آلة بدائية لدراس القمح والمحاصيل الاخرى
*شيماء.... اول طفلة شهيدة للارهاب فى مصر
النتائج 1 إلى 7 من 7
الموضوع: فى حب مصر
العرض المتطور
-
05-19-2011, 06:21 PM #1Member
- تاريخ التسجيل
- Mar 2011
- المشاركات
- 45
فى حب مصر
-
05-19-2011, 10:31 PM #2محاضرة وباحثة
- تاريخ التسجيل
- Apr 2006
- الدولة
- سوريا
- المشاركات
- 39,278
رد: فى حب مصر
مصر ام الدنيا فعلا
طبت وطاب شعرك ومحبتك للوطن
وتثبيت[align=center]
( ليس عليك أن يقنع الناس برأيك ،، لكن عليك أن تقول للناس ما تعتقد أنه حق )
[/align]
يارب: إذا اعطيتني قوة فلاتأخذ عقليوإذا أعطيتني مالا فلا تأخذ سعادتيوإذا أعطيتني جاها فلا تأخذ تواضعي*******لم يكن لقطعة الفأس أن تنال شيئا ً من جذع الشجرة ِ لولا أن غصنا ً منها تبرع أن يكون مقبضا ً للفأس .
-
05-20-2011, 03:39 PM #3شاعر من أريتريا
- تاريخ التسجيل
- May 2008
- المشاركات
- 7,195
رد: فى حب مصر
مطولة ومهذبة ومذهبة
تحيتي لك اخ عادل صابر
شعر جميل
-
05-20-2011, 04:07 PM #4Member
- تاريخ التسجيل
- Mar 2011
- المشاركات
- 45
رد: فى حب مصر
الاديبة القديرة / ريمة الخانى
شكرا لك على تثبيتك قصيدتى ثبت الله اقدامك على الصراط المستقيم ..وثبت الله قلبك على الايمان....شكرا لك ايتها الرائعة
-
05-20-2011, 04:10 PM #5Member
- تاريخ التسجيل
- Mar 2011
- المشاركات
- 45
رد: فى حب مصر
الشاعر القدير/ ظميان قدير
مرورك البهى على قصيدتى اسعدنى ...فشكرا لك ايها الرائع
-
06-10-2011, 08:14 PM #6مشرف فرسان الشعر الشعبي إخباري محطة العالم
- تاريخ التسجيل
- Nov 2009
- الدولة
- العراق
- المشاركات
- 1,379
رد: فى حب مصر
المبدع عادل صابر .. بانوراما جميلة
وملحمة أدبية فنية بوطنية عالية وأرث
كبير . سلمت وسلمت مصر وطوبى لوطنيتك
الحقيقية . تحيتي لك.
كاظك الفضلي
-
06-14-2011, 05:08 PM #7Member
- تاريخ التسجيل
- Mar 2011
- المشاركات
- 45
رد: فى حب مصر
شكرا شكرا للرائع القدير شاعرنا الكبير كاظم الفضلى ...دمت لى ودام قلمك الراقى ياشاعرنا القدير
المشاركة الأصلية كتبت بواسطة كاظم الفضلي
رد مع اقتباس
ضوابط المشاركة
