ارجعي لِيّـَا، وانا هارجعلـك!

[دكتور أحمد الليثي]

آه من ظنـك يقتـل فيّـا
كـل معـاني الحب الحيّـة
كل دقيقة عشقتـك فيهـا
كل سعادة شافتهـا عينيـا

جوايّا جـرح وحيرة كبيـرة
كنتِ لعـرش الحب أميـرة
كنتِ زمان البسمة الحلـوة
حل مكانهـا اليوم تكشيـرة

رغم قسـاوتِك قلبي يقـول
هيَّ سحابة ومش هتْطـول
بكرة الفرحة تعـود لعينيك
بكرة نعيـم الدنيـا ننـول

صابر رغم مـرار نظـراتِك
باسمع همسك وفي زفـراتِك
بالقى عذاب وجنـون الغيرة
بيدمر ف حيـاتي وحيـاتك

ازاي قلبك فجـأة يطاوعِـك
وتقولي إني باخـون وبالاوعِك
دا انا لـو قلتي ف لحظـة الآه
كـل كيـاني بِيِتْـوَجَّعْلَـك

ارجعي لِيّـَا، وانا هارجعلـك!

[ريمه الخاني]

خير اللهم اجعله خير
مرحبا بنصك الجديد

[دكتور أحمد الليثي]

خير اللهم اجعله خير
مرحبا بنصك الجديد

ههههههههههههههه
أضحك الله سنك أستاذة ريمة. يعني لا يمكن أن أكتب إلا في الصراع بين النساء والرجال؟ ههههههههههه شوية كده وشوية كده.

شكر الله مرورك.

[بنان دركل]

اللهجة المصريه لنا عبرها مئة جوله
جميل ماكتبته دكتور
والاجمل انك مصر على طريق الرجل والمراة والنزاع بينهما!! ههه
سلام

[دكتور أحمد الليثي]

اللهجة المصريه لنا عبرها مئة جوله
جميل ماكتبته دكتور
والاجمل انك مصر على طريق الرجل والمراة والنزاع بينهما!! ههه
سلام

الأخت الفاضلة الأستاذة بنان
شكر الله مرورك.
وكما تعلمين قالثبات على المبدأ أمر طيب. هههههههههه
دمت سالمــة!