يمته ترد

[حيدر السعبري]

يمته ترد




بدمع عيني أحلفك مو بكاس الماي

يمته تحن عليَّ و يمته گـلي ترد؟

يمته ترد حبيبي العمر عده وراح

گـلت أيام صار سنين گـلبي يعد

حسبت و تيهيت وعدت من جديد

لأن غيبتك طالت حتى ضاع العد

ملت ذكرياتي من كثر ما عيد

بيها وهي تدري ما يجي الموعد

بزوايا البيت أدوّر عن بقايا حروف

وأون ون اليتيم وطفل متشرد

يسألوني عليك و گلت هسه يعود

ما ترجع تسكت الناس يـالمبعد

محطات السفر تعرفني صارت زين

وتجاوبني قبل ما أسأل وانشد

نفضح گـلبي بمحبتك گـلي وبعدين

تردلي؟ لو اگـول لظلمي متعمد

أظنك ما تحبني وبرد ذاك الشوگـ

وإذا بعدك تحبني شبيك متردد

يا أجمل حلم خاويته من صباي

تعال أفتح الروح وبالوسط اگـعد

تعال ارجع حبيبي ذبل ورد البيت

بجيتك خله يفرح ثاني و يورد

ويرد ليّ الأمل وانسه الحزن والنوح

والبس ثوب ألأبيض وأنزع الأسود

ومن ترد أريد تصير حر الصيف

وتذوب دمي بشريان متجمد

وأطش طول الدرب ريحان

وأصالح گـلبي الزعلان

وبطولك حبيبي ابقى متمدد


~ حيدر السعبري

[ريمه الخاني]

واهلا بجديدك الجميل..
كانت قصيدة موفقة ورقيقة الحاشية
دمت مبدعا رائعا

[حيدر السعبري]

مروركم الأجمل اختي الاستاذة ريمه الخاني.. اهلا بك في موضوعي الجديد

[كاظم الفضلي]

الأخ حيدر السعبري . قصيدة جميلة
وموضوعها اجمل . وجدت خياراتك
في البناء رصينة وتوفر الصورة
البليغة في التسلسل الزمني للنص .
دمت بعطاء وتواصل أبداعي . شكراً

كاظم الفضلي

[حيدر السعبري]

اخي العزيز الاستاذ كاظم الفضلي شهادة اعتز بها من مبدع و صاحب قلم متميز وإحساس شعري راق..

اسعدني جداً مروركم الكريم الذي أنار حروفي

[مصطفى السنجاري]

أظنك ما تحبني وبرد ذاك الشوگـ=وإذا بعدك تحبني شبيك متردد/يا أجمل حلم خاويته من صباي=تعال أفتح الروح وبالوسط اگـعد /تعال ارجع حبيبي ذبل ورد البيت=بجيتك خله يفرح ثاني و يورد/جميلة تعابيرك وسردك دمت حييا شاعرنا حيدر السعيري وتقبل تحياتي

[مصطفى السنجاري]

أظنك ما تحبني وبرد ذاك الشوگـ=وإذا بعدك تحبني شبيك متردد/يا أجمل حلم خاويته من صباي=تعال أفتح الروح وبالوسط اگـعد /تعال ارجع حبيبي ذبل ورد البيت=بجيتك خله يفرح ثاني و يورد/جميلة تعابيرك وسردك دمت حييا شاعرنا حيدر السعيري وتقبل تحياتي

[حيدر السعبري]

مروركم هو الاجمل أستاذ مصطفى السنجاري
ادامكم الله اخوة واحبة لي وانا سعيد جداً باقتباسك الرائع هذا وتقييمك الكبير

[فردوس النجار]

(تعال أفتح الروح وبالوسط اگـعد )..حلو استاذ حيدر ..أرجو منك توخي النهاية السعيدة ..لكي نبتعد عن نوح العرب..انت شاعر..ونصيحتي لك :غربل ما استطعت لكي تبق أجمل ..
لك تحياتي.

[حيدر السعبري]

شكرا لكم شاعرتنا المبدعة على نقدك وملاحظاتك القيمة جدا

المشكلة في حيدر انه يكتب ليرسم لوحة يعيشها صدقاً لكنه يحاول أن يرسمها بحروفه لا يفكر كثيرا هل ستكون هذه اللوحة جميلة جدا او لا المهم انني ارسمها