تصويت / الدمشقية

[فاتن علي حلاق]

تصويت / الدمشقية

عاقل عم يسأل مجنون ...
آخرتا ... شو رح بتكون
قلّو الأهبل ... بطّل تسأل
و تفرّج عا لتلفزيون ...

شوف العرب ... اجتمعو بلمّة
نفس القلب ... و ذات الهمّة
إن بدّك ... شاركهون يا زلمة
صاروا مدري كم مليون ...

هزموا الفرقة ... و رجعوا رفقة
أمّة وحدة ... بطبلة و دَقّة
بدّون شبّة ... و خرزة زرقة
أحسن ما تصيبون العيون ...

هزّون موّال ... و يا روح
ما بعدِك ... بالسهرة روح
ما هزّون ... شعبي المدبوح
ال وصّل صوتو لكلّ الكون ...

هزّتهون ... دربكة و دفّ
وما سمعوا ... تفجير و قصف
و لا آهة ... ولّدها العنف
و عنّا صار القتل فنون ...

بدّون من سورية ... صوت
أقوى من صرخات ... الموت
و السوري ... بدّو تابوت
صوّتلو إن عندك آي فون ...
.................................................. ......

[كاظم الفضلي]

المبدعة فاتن علي حلاق .. وجع يومي
وهموم تتزايد أكثر حيث التمزق والتشرد
والخراب والقتل .. فالننحني لسوريا ونضمد
الجراح معاً . قصيدة أجمل . تحيتي لقلمكِ
وحسكِ الوطني .