شاعر العامية أمين الديب

[ريمه الخاني]

شاعر العامية أمين الديب



السلام عليكم ورحمة الله وبركاته

أطرح بين يديكم مقالة للدكتور جابر قميحة رسالة للشيخ أمين الديب
تحت عنوان
يا أمين الديب.. لماذا أجرمت?!


بقلم: د. جابر قميحة
KOMEHA@MENANET.NET

أيها الشاعر الفلاح الفصيح: لقد كنت أكره شعر العامية, وما حببني فيه إلا أنت, لقد ملأت الوطن, وشغلت الناس أيها الرجل, وأصبحت «أشرطتك المسجلة» تشنف آذان الناس في المؤتمرات, والمحافل والمقاهي, والسيارات.
هل تذكر -أيها الرجل العظيم- أنني كتبت عنك مقالا ذات يوم, في صورة رسالة موجهة إلي «جهاز أمن الفصحي» أقول فيه: إن هذا الرجل في شعره الشعبي خطر.. خطر علي العربية الفصحي, لأنه أقام للعامية «دولة» رفيعة البنيان?
لقد قرأت أعمالك.. بل عشتها:
- فرأيت فيها الطوابع الدرامية الأصيلة التي تعتمد علي طول النفس, والحوار الكاشف, والدفق القصصي, وحيوية الحدث, ودقة التشخيص, أي إبراز ملامح الشخصيات, وتكاملية العناصر الفنية دون تكلف أو تعسف.
- ورأيت فيها عفوية الأداء التعبيري, فلغتها هي «لغة الواقع» معني ومبني, وبذلك تتلاحم فيها الواقعيتان: «الواقعية اللغوية» و«الواقعية الفنية» فاتسع أداؤها: لأريج الزهور, ومرارة الحنظل, واتسع لنعومة الفل, ووخز الشوك, واتسع للمسات الحرير والسهام المسددة, واتسع لخرير الجدول الصافي, وهدير العاصفة الصرصر العاتية.
وهذه «الثنائية القيمية» تجسد كينونة الإنسان الحق أمام البصر والبصيرة.
- وأري أيها الفلاح الشاعر في إلقائك أسرًا وجاذبية, فأنت لا تقرأ كلماتك من «مكتوب» ولكن من حافظة جادة واعية, مواجهًا الجماهير دون أن يكون بينك وبينها ورقات حاجبة.
ولكن يبقي أن نسألك -يا نزيل المعتقل-: «لماذا أجرمت»? فلنا الحق أن نعلن للناس جميعا قائمة الجرائم التي ارتكبتها لعل... وعسي:
- لقد أجرمت -أيها الشيخ الشاعر- لأنك قلت للطوارئ «لا», وأنك قلت وتقول كلمة الحق في مواجهة نظام منخور مدحور, ينتصر للباطل, ويحتضن الرمم والسقوط.
- لقد أجرمت -يا رجل- لأنك احتقرت الحرام, ورفضت أن تساير أبناء «الفهلوة» والياقات الزرقاء, في دولة «بني الهباش», فلم تهبر هبرة, أو هبرتين من بنك, ولم تختلس من مال أمتك المطحونة ولو مليونا من الجنيهات, أو الدولارات, أو اليوروات.
- لقد أجرمت -يا شيخنا- لأنك لم تغرق عبّارة, ولم تحرق مسرحًا ولا قطارًا, ولم تزهق أرواحا, فتريحها من شياطين الحكم, وأحذية الأمن, ومظالم الشواذ الضالين المضللين.
- لقد أجرمت -يا رجل- لأنك لم تستول علي قطعة من أراضي الأوقاف, ولم تحجز لأولادك بتراب الفلوس فيلا في «مارينا» أو شاليهًا في الساحل الشمالي.
- لقد أجرمت -يا شاعرنا- إذ سرقت حب الناس, وكونت لك رصيدًا ضخمًا, من هذا الحب في «بنك القلوب», وتركت للكبار المنكوسين الموكوسين رصيدًا كبيرًا جدًًا من كراهية الشعب, في بنك الرمم والجيف والمستنقعات.
- لقد أجرمت -أيها الشيخ- لأنك أصبحت شمسًا ساطعة, ونورًا صارخًا في وجوه رجال يحبون الضباب, ويعشقون الظلام, ويعانقون الخراب.
ولك الفضل بعد الله -أيها الشيخ الشاعر- إذ ذكّرتني صلابتك وشموخك بواقعة مضي عليها سنوات, كنت أقوم أيامها بالتدريس في إحدي الجامعات العربية, وكانت الجامعة تطلب مني كل عام إلقاء قصيدة الاحتفال بمتخرجي السنة النهائية يحضرها «الأمير» وطلب مني رئيس الجامعة أن أضمن القصيدة عددًا من الأبيات في مدح الأمير, ولكني رفضت بأسلوب مهذب, وقلت: إن الأمير قد يكون جديرًا بالمدح, ولكن شعر المدح -أي مدح- يستعصي عليّ فلا أستطيعه, ومعروف أن الشاعر لا ينظم الشعر, ولكن الشعر هو الذي ينظم الشاعر, وبعدها ألهمني الله قصيدة بعنوان «إن الكلمة عرض الشاعر» وفيها أقول:
- ولقد عشت شريفًا.. ونظيفًا.
- ملكًا يحتقر التاج.
- مملكتي قلب نبوي.
- وسلاحي قلم نووي.
- لم ينبض إلا بالحق.
- ينشق الصخر ولا ينشق.
وأعتقد -يا شيخ أمين- أن هذه الكلمات من أنسب الكلمات لك, فهي حكم تاريخي صادق, فما أراك الآن إلا «ملكا يحتقر التاج», وما أري لك مملكة إلا «قلبك النبوي», وما أري لك سلاحًا إلا «قلمك النووي».
وأخيرًا -أيها الملك- عليك أن توجه لأبطال أمن الدولة, وكبار رجال نظامنا المنخور المدحور رسالة شكر جزيل» لأنهم -إذ وضعوك خلف الأسوار- غرسوك في قلوب الناس, فأصبحت حديثًا عاطرًا علي كل لسان, وأصبح الطلاب والأساتذة والعمال يتهافتون علي دواوينك, وقصائدك وأشرطتك.
كما آمل أن تنظم «يومياتك» في معتقلك, لتكون ضميمة طيبة صادقة لأدب السجون والمعتقلات والمنافي, وأنت علي ذلك قدير.. جد قدير. وفقك الله.


بعد هذه المقدمة
أحب لو سمحتم لى أن أضع بين يديكم بعض قصائده وأشعاره
وفى هذه الاثناء مستعد للاجابة عن اى استفسار عن لفظ عامى مما ورد فى شعره أو معلومات عنه شخصيا

[ريمه الخاني]

بدأ بالقصيدة الاولى
أخر كلام
بعد مابقلع هدومى
قبل نومى
لازم أقرا كام مقاله
نرفزونى..سخنونى
حفزونى..إنى أكتب
عن ولاد الكلب
والسفاح شارون
قول سهرت
نمت..بعد الفجر ما إدن
والعيال بيقومونى
صحصحونى
قمت مفزوع من منامى
هجت فيهم
جت مراتى قالت لى..مالك
إيه جرالك؟
ليه بتشخط فى العيال
قلت باحلم
كنت باحلم إنى ميت وانفزعت
انبسطى..؟
كشرت وبسرعة قالت:
إيه دا أصله. طب وماله
يستحق الموت وأكثر
اللى يهرب من عياله
كنت فين م المغربية؟
تيجى بعد الفجر مادن؟
إنت فاكر إن دا ح يخيل على
شعرإيه؟
واللا إيه بتهببه.. وتقول قضيه
هى فين هى القضيه؟
هم يعنى كلمتينك.. اللى حى يحلوا
القضية؟
هيه ناقصة
وإحنا مالنا
ما انت شايف . كله خايف
والمدافع همسه حايره..عالشفايف
وانت عارف
الصهاينة ناس قويه.. ومفتريه
واللى أدهى من داكله
لما يبقى الكل نايم.. وانت قال تكتب
قصيده!!
عن ولاد الكلب والسفاح شارون
أبقى نايمه!!
أسمعك بتقول شارون؟
من غير سلام ولا يحزنون!
انت فاهم إنه ح يهمه الكلام؟
واللا دول عايزين سلام؟
واللا ح يخاف من كلام؟
هو همه من كلينتون. واللابوش
واللاهمه من باراك.. واللاهمه من...!
واللا عايز تبقى شاعر؟
واللا من أبنود جنابك؟
واللا عايز تقديريه؟
قلت طبعاً
أى شاعر يستحق التقديريه
يستاهلها عن جداره
مش خساره
ليه يا خويا
هو طلع إسرائيل؟
واللا عمر فى الصحارا
حاجه تانيه!!
والقطاع العام بيخسر
كان منع عنه الخساره؟
واللاسكان المقابر
كان بنالهم كام عماره؟
واللاشغل ألف عامل
أو منعهم من الدواره؟
واللا وزع عالغلابة
ألف طن من الدقيق
واللاحتى كام شيكاره؟
فوق لروحك
هو خدها عن وهيبه
والأغانى لعبد حليم
مش عشان حل القضيه
القضية هى.. هى
واحنا فى الخيبه القويه!
قلت جاهله.
إنتى جاهله
انتى فاكره الشعر ساهل؟
دا اللى ينكر فضل شاعر
يبقى جاهل
قلبك ابيض
مش حترجع الا لما يحبسوك
عالكبر ويبهدلوك
انت بتقول يا سادتنا يا قادتنا..
ارفضوا تهديد أمريكا والتحيز لليهود؟
طب ولو زعلت أمريكا
طب منين حيأكلونا؟
والحكومة نفسها بتمد إيدها
ويقولوا لهم شحتونا!!
انت عايز يحبسونا ؟
لوعايزنا نقب اكتب
حط همك فى الأغانى
فطر الشعب بأغانى
نيم الشعب باغانى
والأغانى..
بيبعوها بالدولار الأمريكانى
واللا يعنى جت علينا
واشتهينا الفقر.. تانى؟
عيش وهيص
شجع الأبطال ولادنا
اللى رفعوا راس بلدنا
مسخروا أولاد ناميبيا
واللا ليبيا.
عيش وهيص..
انت يعنى كنت غاندى..؟
واللا حافظ واللا شوقى؟
واللا بيرم أو جاهين؟
مانت طول عمرك بتكتب!
حد سمعك؟
قول لى مين؟
والا كام واحد بيحضر
فى النداوى ف أى حته
حتلاقيهم..خمسه سته!
أما لو تكتب أغانى
تبقى نجم ولك سماك
واللى جاى يطلب لقاك
واللى يتصور معاك
والصحافة والإذاعه
والبرامج..
كله ح يسجل معاك
زى شعبان عبدالرحيم
واللا شوف جمهور حكيم
تبقى شاعر زى صاحبك
كل واحد يرضى عنك
الحكومه والصهاينه والخلايجه
والتوانسه
والاجانب والذوات
بالخصوص صنف البنات
هو دا آخر كلامى
تمشى بيه.. أو تفارق من سكات
ميت يمين ماتقول قصيده
لاملا كل الدار صوات
واللى يسأل تانى عنك
راح اقول له غار ومات!
عبد العزيز غنيم

[ريمه الخاني]

قول يا عم الشيخ أمين
قول لكل المظلومين
ماتخافوش الصبر طيب القضاة ناس طيبين
المحاكم هي هي .. العادية وعسكرية
لو يلفق 100 قضية .. إنتوا برضو المنصورين
**********
يا مخوفين الناس بخوفكم وعجزكم
ياللي البوليس والمعتقل لغة التحاور عندكم
ومكممين كل الشفاه بالبلطجة
والأمن يحمي أمنكم
هسأل سؤال من فضلكم .. ؟
جيبينا ليه للإعتقال .. ؟
رغم إننا طول عمرنا
قدام عنيكم من زمان
وبترصدوا كل اللي بيدور ف الخيال
وبترصدوا كل اللي موجود ف البيوت
حتى اللعب بتوع العيال
وألف مرة بنتحبس
وبتسألوا مليون سؤال
وبتعرفوا مطرح دبيب النمل فوق سطح الجبال
وأحلف يمين .. فيه منكوا ناس متأكدين
بالذات كبير البصاصين
أموالنا جت جهد وعرق وفلوسنا م المال الحلال
ولاعمرها كانت منح
ولا عمرها كانت غسيل أموال
ولافينا خاين أو جاسوس
ولاخدنا قرض من البنوك
وهربنا ومعانا الفلوس
ولاكنا تجار ممنوعات
ولا بعنا مرة مخدرات
ولامن بتوع العبارات
ولا من بتوع الرقاصات
وطبعنا غير طبعكم
وصحيح نخالف رأيكم
لكننا مش ضدكم
فإزاى وليه وف شرع مين .. ؟
جواسيس وممدوح إسماعين
يتحدوا مدنيين .. ؟
القاضي حاكم عسكري
ونقول لمين ونعيد لمين
سيبنها بس لربنا
وربنا ع المفتري
وإن حد مات أو حد عاش
ميهمناش
أهم شئ الشعب يعرف سكته
يعرف عدوه ومين بينهب ثروته
وتبان عزيمته وهمته
وساعتها يفرض كلمته
ويقولها بصراحة
من غير كسوف ولا خوف
والنفس مرتاحة
ومش عشان أكل عيشنا ننسى عقيدتنا
ده الرزق من ربنا .. موجود ف زرعتنا
واللي في عمل يتقنه .. من أجل أمتنا
ومنشحتوش أكلنا من إيد عدوتنا
ملعون أبو اللقمة لو تنزل بكرامتنا
ملعون أبوه الرغيف لو ذل عزتنا
ملعون أبوه الدولار لو جه بذل وعار
ملعون أبوه اللي يستسلم للإستعمار
ملعون أبوها الحياة لو سجن للأحرار
والموت ولا العار
ولا الأنجاس تدوس بتنا
جسم العرب قطعوه بقي 300 حتة
والراس بقت وحدها .. مفصولة م الجتة
لاودان بتسمع .. ولابتشم نتانتها
ولسانها مشلول ولابتنطقش كلمتها
ولاعينها بتشوف طشاش ولا شايفة سكتها
فرحانة إكمنها مسنودة عالية لفوق
يا خلق فوقوا بقى
وقولوها لجل يفوق
الراس متنفعش أبدا لو بدون جتة
ياريت تفوقوا بقى قبل الأوان مايفوت
عورتكوا بانت وسقط كل ورق التوت
قلناها ومداوية من جوة بطن الحوت
يا مكتفين الشعوب بالقسوة والجبروت
يا مشتتين المطر كل الشجر بيموت
ملعون أبوه السكوت .. الشعب خاب ظنه
ملعون أبوه السكوت .. متفكروش إنه ..
لامؤاخذة خوف منكم
أو من ظلام سجنكم
الضير عرف خنه
وإن كان على المعتقل
ميهمناش منه
صدق اللي قال ف المثل
اللي إختشوا ماتوا
وإن أى حاكم ظلم
فيه رب فوق منه
* * *