سألوني مين هي مصر بقلم:نجلاء نصير

[نجلاء نصير]

	سألوني مين هي مصر رديت وقلت أنا مهما قلت ومهما وصفت كلامي قليل ,,,,,,, مصر اليوم بتحلم بالتغيير مصر تشوفها ف نهر النيل مصر دي ضحكة طفل جميل مصر مراكبي ويّا شراع مش خاين باعها وضاع مصراصالة مصر حضارة مصر عمار مصر هي أم الثوار مصر يناير 25 فرحت بولادها الأحرار ياما ثارت ياما قالت إرحموني من الأشرار خيري لغيري وولادي ضايعيين إمتي تفوقوا يا أحرار رمز الخيانة بطانة العميل دخلوا ميدان التحرير بالبلطجية والجمال علشان يحنوا الرجال ويلجموا اللسان الحر الأصيل بالجمال وصهيل الخيل لكن ولادي نادوا بلادي إحنا فداكي ياأم العرب ودم الشهيد يشهد ياأمي بصحوة تئيد وتنور طريقنا ونشوف شمس بكره من جديد احنا ولادك مش اللي خانك وصور نفسه شهيد أنت يا بلدي شاهدة عليه كام من ولادك ضاع بين ايديه من المسرطن ومن الملوث ومن المبيد عيشونا العصابة عيشة العبيد لكن كفاية والله النهاية صبحت قريبة والنصر اصبح حقيقة أكيدة يشهد عليه دم الشهيد اللي بدمه حني ترابك وفتح للحرية بابك عاشت بلادي عاش الشهيد

[ريمه الخاني]

مصر حبيبة كل الجماهير العربية
دمت لنا ذخرا أدعةك للمرور ببعض مواضيع الزملاء هنا
الف تحية

[كاظم الفضلي]

الأديبة نجلاء نصير ..
مشاعر وطنية رائعة مجسدة بصور شعرية
جميلة في المعنى وبليغة بالعطاء .. هنيئاً لكم
وطوبى لشهدائكم شهداء الأمة . سلمتِ .

كاظم الفضلي

[محمد الشلقامى]

جميل ما تغنى به قلمك عزيزتى نجلاء أتمنى ان تكون أقلامنا جميعا
شموع تنير لنا الطريق