أماني للعام الجديد

[يونس محمود يوسف]

أماني للعام الجديد

يا عام الجاي في عنا اماني = الك وقلوب بالفرحة ملاني
يا ربي بالسنة الجايي تزهّر= أرضنا ويكتروا فيها الأغاني
يا ربي البلد يبقى مرج أخضر= شمالوا مع جنوبوا الخير حاني
وبلاد العرب بالأفراح تعمر= وبين الأمم تعلا بالمكاني
وفيها يلتقي عيسى ومحمد = مسيحي ومسلم وهنن ضماني
بمحبتنا الغلال بكل بيدر= بدها تزيد بالخيرات تاني
تعوا نحلم بهادا العام نكبر = على الألأم ونملي القناني
محبة, وبرضى الرحمن نظفر = ونرجع للزمان الأولاني
وقت ما كان فينا الحب أطهر = وقت ما كانت الألفي مصاني
وعند ما كانت الوجنات أنضر = ما تعرف لا خياني ولا جباني
تعوا المظلوم في هالعام ننصر = وبنصروا نقّدم أطباق التهاني
تعوا بفواه هالأطفال نقطر = شهد الحب من أجمل معاني
ا نشا الله الحب بالأجيال يكبر = وينزع هالشرور وهالتواني
لأنو الخطر لو في بيت منا = بلش رح يتأثروا كل المباني


أبو هاشم

[عبدالوهاب موسى]

أول من يتعطر بعطر أمانيك الراقية يا أباهاشم
دمت بألق ولك محبتى فى الله

[يونس محمود يوسف]

أول من يتعطر بعطر أمانيك الراقية يا أباهاشم
دمت بألق ولك محبتى فى الله

الأخ العزيز عبد الوهاب موسى
لعله من حسن حظي ان تكون أول المعانقين لنصي
وهذه فاتحة أمل لي بالعام الجديد
مودتي
أبو هاشم

[أديبه نشاوي]

كل عام وانتم بالف خير
وفقك الله شاعرنا العزيز.

[يونس محمود يوسف]

كل عام وانتم بالف خير
وفقك الله شاعرنا العزيز.

أختي العزيزة أديبة نشاوي
كل عام وانت بألف خير لك مني التحية والتقدي ولجميع من تحبين
مودتي
أبو هاشم

[الحلم القاتل]

عامك فرح وسرور وصح لسانك ياعزيز