من هوزريف الطول؟؟؟

[رغد قصاب]

من هو زريف الطول ؟
.
زريف الطول كان نجار ..وغريب عن القريه ..كان اسمه فلسطيني ..بس طوله كان سبب اسمه ... خلوق ما برفع عينه في امرأه ...وكان أبو حسن يعطيه أجره كل أسبوع ..وماكان يعرف وين بروح فيه ...بنات القريه بغزلوا حواليه وهو ولا هوه هون ..مرت المختار فصلت نمليه ..مشان تلفت نظره لبنتها...وام خليل مرت خطيب القريه فصلت عندو صندوق (اواعي) وحكتلو عن بنتها ..حتى الخطيب ..في خطبة الجمعه لمح للموضوع بس ما في فايده...زريف الطول مش تبع نسوان.....في يوم هجموا قطعان اليهود على القريه.
.
واستشهد 3 شباب ...ثاني يوم غاب زريف الطول ..ورجع بعد 4 ايام .. رجع بالليل .. ما حدا شافوا ... بعد شهر رجعت قطعان اليهود ... كان زريف الطول مشتري .. 5 بواريد... وزعهن على شجعان القريه .. قتلوا 6 يهود ...
.
ثاني يوم القريه قامت وقعدت النسوان باعن ذهبن .. مشان الشباب تشتري بواريد .. وصاروا يغنوا .. يا عربي يا ابن المقروده بيع أمك واشتري باروده .. رجعت القطعان توخذ بالثأر .. وحصلت معركه مثلها ماصار .. هرعوا الناس كبار صغار .. وفي كروم التفاح .ريح الثوره نسم وفاح .. استشهد شباب كثير .. بس خسائر القطعان أكثر .. جمعوا الشهداء .. زريف الطول مش معهم ..وزريف الطول مش مع اللي بقوا .. بس الكل حلف يمين انو شاف زريف الطول قتل أكثر من 20 يهودي .. وكان يطخ ببارودتين .. وهو اللي سحب عمار وجهاد أولاد الأرملة من ساحة المعركه وهم جرحى والرصاص زي زخ المطر فوق رأسه .. طول الليل القريه دورت بالمشاعل على زريف الطول .. مابين الو أثر .. ومرت الأيام .. وصار زريف الطول اغنية القريه ...
.
يا زريف الطول وين رايح تروح بقلب بلادنا تعبقت الجروح
يا زريف الطول وقف تاقولك رايح عالغربه وفلسطين احسنلك..
بعدها بخمس سنين إبراهيم الحلاق حلف يمين انو شاف زريف الطول مع عز الدين القسام في احراش يعبد .. وجهاد ابن الأرملة بقول شافو مع الحنيطي بدرب الثوار بيافا .. اكيد مهو مش غشيم عنو .. وكثير ناس حلفت انو كان ببورسعيد مع جول جمال .. وعلى الوصف ناس شافوه بالكرامه على نهر الأردن بفجر دبابة بعد ما قطعت النهر .. وكان بسوق الغرب في اجتياح بيروت .. بس آخر مره شافوه..كان بغزه..طلع للقطعان من نفق .. رمى صليت صواريخ على تل أبيب ورجع على الخندق ...
زريف الطول كل مقاوم وكل ايد قابضه على السلاح وسبابتها على الزناد ...
منقول من صفحة الصديق احمد عودة
.
كلمات اغتية زريف الطول - من الفولكلور الفلسطيني
يا زريف الطول وقف تقلك
رايح عالغربة وبلادك احسنلك
خايف يا زريف تروح وتتملك
وتعاشر الغير وتنساني انا
يا زريف الطول يا سن الضحوك
يلي رابي في دلال امك وابوك
يا زريف الطول يوم الي غربوك
شعر راسي شاب والظهر انحنا
يا زريف الطول متغرب على القوم
لا تبعد عنا وتحط علينا اللوم
انشالله بترجع بترجع عالكروم
نحصد القمحات ونجمع شملنا
يا زريف الطول غايب عن الاوطان
وغيابك عنا ملا القلب احزان
ارجع لامك وارجع للحنان
ما تلقى الحنية غير في بلادنا
يا زريف الطول حلو يا دلوع
والي يطيح البير يحسب للطلوع
احنا اتفرقنا وعالله الرجوع
والمفرق والمجمع ربنا
يا زريف الطول مالي ومالكم
وابتليته بالهوى وش حالكم
وان كان عشرت غيرنا طابت ليكم
خبرونا تندبر حالنا
يا زريف الطول وقف تقلك
رايح عالغربة وبلادك احسنلك
خايف يا زريف تروح وتتملك
وتعاشر الغير وتنساني انا
https://www.facebook.com/10000987135...1736736165365/

[ريمه الخاني]

سألت عن موثوقيتها:
فرسان الثقافة

و الله انا سمعانه القصه على لسان راويه عجوز فلسطينيه من زماااااان
بس من يومين شفتها مكتوبه متل مالك شايفه باللهجه الفلسطينيه المحببه على صفحه احد الاصدقاء فشاركتها
طبعا شاركتها لانها قصه تراثيه معروفه من زمن و ليست حديثه
تشابه قصه الشباب المجاهدين الذين غنيت لهم اغنيه وحدن
لاحظي بنت عمي ان معظم الاناشيد الشعبيه في معظم الثقافات تعتمد اما على التاريخ الشعبي المتناقل لدى ؤلئك او تمجيدا لشخصيات بارزه
و انا اراه احد الفنون الخالده التي توثق التاريخ
سمعت من الاستاذ جهاد الترباني قبل فتره ان في قرى اسكوتدلندا انشوده يغنيها الفلاحون الاسكوتلنديين متوارثه عبر مئات الاجيال
تمجد السلطان سيدي سليمان القانوني.....؟؟؟؟
اذا عدنا الى التاريخ القديم المندثر نكتشف دوره في انقاذهم من المجاعه عندما ضرب محصول البطاطا عندهم و هو غذاء الشعب
في حين ان ملكه البرتغال لم ترسل اليهم الى النذر اليسير الذي لا يسد الرمق اغدق هو عليهم سرا سفن الاعانات
لم يوثق عمله تاريخيا لان ملكه البرتغال لم توافق على ذلك
لكنه وثق شعبيا باغاني شعبيه الفها الشعراءو غناها الشعب
بتشبه غنيه
عالروزانا عالروزانا .....؟؟؟
دخلك كان حدا عرف قصه سفينه الروزانا لوما الفوها شعراء الشعب بانشوده شعبيه خالده.....؟؟؟؟
تحياتي بنت عمي

شيرين الشامي.