ذنب بلدنا قصيدة للشاعر // محمد أبو زيد الأسيوطي

[محمد أبو زيد]

ذنب بلدنا / للشاعر محمد أبو زيد الاسيوطي
مش عارفين
ذنب بلدنا في رقبة مين
اللي بيسـرق واللـي بينـهب
واللي بيحـرق فيـها ويشرب
من دم الناس المساكين
واللي معاة سكين
بيقطع ويبيع فيها ومش بفلوس
واللي راميها
في جيب حراميها
واللي عشان مصلحته يدوس
علي أحلامنا يلم فلوس
ويحول بره بالملايين
واللي بقاله سنة وسنين
مش راضي يقوم
من علي كرسيه فاكر انه مفيش بعديه
رافض يبقي في يوم
مرحوم
فاكر ان الكرسي يدوم
طب لو دام كان يوصل ليه
واللي في عمره ما يوم اهتم
كالنا المم وحلي بدم
المصريين
واللي يتاجر في الارواح
والسفاح
واللي بيسخر من أفكارنا
ومفكرنا
أننا مجانين
واللي جرينا وراه حافيين
مش عارفين ح يخدنا لفين
واللي لاعنده ضمير ولا ذمة
واللي ما لوش لا يمين ولا كلمة
واللي ما عندوش مله ودين
واللي مفكر ما لنا حلال
عبي وشال منه جبال
واللي يقولوا
رجال إعمال
ليل ونهار
بيتاجروا في قوتنا
خربوا بيوتنا
بالاستغلال
واللي يسوق في الاستهبال
حاجة خيال
واللي بيحصل فينا دا شي
فوق الصبر
مين ح يطيق
مر العمر
علينا وفات
في الأزمات قلبنا مات
ولا غرقنا في الشهوات
علشان كده ربنا غضبان
م اللي بيحصل فينا
يا عين
حتي في شرع الله والدين
تلقي مشايخ مش فاهمين
يفتي الفتوة يناس من دول
لاجل ما يرضي ناس تانيين
عنده يزعل أي رسول
ميزعلش المسئولين
وفي دعـــواه ميكنش امين
لاجل يراضي من ولاه
عيني عليانا يا حول الله
دينا وذنبه في رقبة مين
مش عارفين
اللي بيبني بالأبراج
واللي يقول أزمة إسكان
والمحتاج
لساه محتاج تايه ضايع
في الاحزان
خايف يعيي مفيش لا علاج
ولا في مال عنده
يدويه
لطبيب يداويه
يعني يا ناس وبدون إحراج
حاله عدمان
دا الغلبان
ضاع في النص
واللي إتحكم فيه بيرص
بالاكوام
في الكتمان من غير حتي ما حد يحس
واللي بيحلم يوم بالرخص
يلقي الدنيا مولعة نار
و الأسعار
عمال تزيد باستمار
ليل ونهار حاجة مرار
نص الشعب فقير كحيان
وسط بحور الهم بيغرق
والربان معايزشي يصدق
ولا بيحس
نار العوزة بتضني وتحرق
هوه الفقر مسك في بلادي
للدرجادي
للدرجادي بلدنا فقيرة ولا غنيا
طب فين هيه
ليه مش باين
خيرها عليا
ولا اولادي
ولا مفيش عدل وتسوية
ولا بلادي
مستهترة بولادها وبيا
ولا العيب في الشعب وفيا
دانا مش خاين
دانا بتمني تراب رجليها
وبموت فيها
دانا افديها بروحي ودمي من أي اعادي
واستعدادي
أدي زيادة
بس انا نفسي نعيش في سعادة
بلدي يا ناس للخير ولادة
مش محتاجة
نفسي يكون للظلم عنين
يرأفوا حبه بناس عايشين
مش عايشن
ونقول ايه والمسكين
مش لاقي القوت
حتي الموت
مش راضي يجيه
مهما ينادي بعلو الصوت
مش سامعين
ولا عايزين يعمل ايه
يسرق زي ما كل بيسرق
لاجل يعيش اصلي مفيش
في جيوبه جنية
لما يجوع يآكل بعضيه
يعطش بحر مرارة ساقيه
ومغطيه
برد الليل ويخاف حتي الصبح يصبح تاني عليه
ما هو مولود غلابان وفقير
في زمن فيه
المحتاج كله بيرميه
ما هو مش لاقي حد يعين
يشكي ويبكي بدمع العين
مين مسئول حد يقول
اللي بيحصل فينا شويه
نشكي لمين يا ولداه
اصل الشكوي لغير الله
تبقي مذله
تبقي اهانة تبقي ممله
نهش الفقر قلوبنا ما خله
كله بيلعب وبيتسله
بالغلبان المظلوم
اللي عشاه صبر ونوم
مهما الأمراض تنهش فيه
ربه حامية تاني يقوم
علشان حاسس انه وراه كوم
أطفال لو يوم مال
مين ح يشلهم
ليل ونهار عمال شغال زي حمار
لاجل يأكلهم
مين ح يساعدة الا سواعده
كل ولاده في التعليم
أيوه عظيم
بس منين ح يجب مصاريف
شايف يومه وامسة مخيف
بس بحلم برضوا بكرة
ويقف وحدة في التيار
فارس
واقوي م الفرسان
ليل ونهار وسط النار
بيحارب فقرة
شارب جدا م الأخطار
لكن قانع مش بيمانع
حامد ربه
ساكن قلبه اقوي ايمان
مبيرضاش ابدا بحرام لو يوم نام
او بات في الشارع
فيه القوة يناس بتصارع
ولا يقبلش في يوم احسان
جايز فعلا معهوش قرش
لكن نايم فوق الفرش
خالي البال ماله حلال
بارك فيه المولي عشان
طالب ستر
مش شيال في المال
بيهيم دا بملاليم
عايش مستور وسط النور
عمروه ما زور
ولا قال زور
عمره ما قال للغير محتاج
عمره ما يغدر بالاوطان
ولا باع مرة ضميرة وخان
قلب انسان
يحمي بلادة من العدوان
عمل الواجب قوي وزيادة
ربي ولاده علي القران
كله حياته دين وعبادة
عنده إراده وكله ايمان
حامد ربه
أصل الفقر يا ناس مش ذنبه
آمال ذنبه
في رقبة مين
مش عارفين
وأنا واحد
من بين ملايين
أنسان عادي
خدت شهادة بقالي سنين
قلت يومين
وهلاقي وظيفة
قالو مفيش في بلدنا وظايف
بعينك شايف
قلت يا ناس اعمل مشروع بس رصيده
ح اجيبه منين سلف ودين
وفلوس بالفايض
حاجة مخيفة
ابدا رحلة عمري بدين
مش ح اداين
مرة سنة وسنين
مش باين
ليها جواز أي جهاز
محتاج لفلوس وأنا منحوس
والمنحوس
هيجبها منين
الله يعين
عدي وفات من عمري سنين
سنة سنتين قول عشرين
قول تلاتين قول خامسين
قول أنا ذنبي
في رقبه مين
أنا والفقرة المصريين
مش عارفين

شكرا لكم وتحياتي الشاعر / محمد أبو زيد الاسيوطي

[ظميان غدير]

محمد ابو زيد

قصيدة جميلة ورائعة
فيها نقد للوضع العام في البلاد
لك تحيتي
ظميان غدير

[الشاعر لطفي الياسيني]

اقف اجلالا لعبق حروفك وابحارك في مكنونات
الذات الانسانية فاجدني عاجزا عن الرد حيث
تسمرت الحروف على الشفاه جزيل شكري وتقديري
لما سطرت يداك المباركتان من حروف ذهبية
دمت بخير
باحترام تلميذك
ابي مازن