تارت

[أسامه الحموي]

تارت
كاستين وربع طحين 300غ
تلت ارباع الكوب زبدة 170 غ
تلت الكاسة سكر مطحون 75 غ
رشة ملح
ملعقة صغيرة بيكنغ باودر
بيضة ونصف
اخفقي الزبدة لحالها لتصير كريمية وفلافي
وحطي السكر واخفقيهن منيح
بعدين اخفقي البيضة لحالها
وضيفيها عالزبدة والسكر بس لا تخفقي زيادة
اخلطي الطحين والبيكنغ والملح
وحطيهن عالزبدة واعجنيها بيدك لتلف معك وشكليها بشكل قرص مدور ولفيها بكيس وعالبراد اقل شي نص ساعة لتمسك الزبدة وتجمد
وبس تطالعيها مديها بالشوبك ورشي شوية طحين واتتي عم تمديها بس ما بنكتر طحين ونحن بنمدها مو لازم تاخد طحين اكتر من العيار المحدد
بنبطن القالب بورقة زبدة وبنمد العجينة بالقالب وبنزبط الاطراف وبنشيل الزوايد وشكيها بالشوكة بالوسط اكتر من ارنة حتى ما تنفخ بالشوي وحطي فوقها ورقة قصدير يعني لبسيها تلبيس فوق العجينة وحطي حبوب فاصوليا واشويها ربع ساعة من تحت وتطالعيها واكشفيها وزهريها من فوق واتركيها تبرد منيح
هلئ اذا قوالب صغيرة اشويهن من تحت بعدين زهري لونهن من فوق ما بدهن اكتر من 10د وطبعا كل فرن وقوة حرارته
Italian cream
الكريمة الايطالية التقليدية
3 اكواب حليب مرفوع منهن نصف كوب حليب ع جنب
6 صفار بيض
180غ سكر كاستر ناعم
55غ طحين
رشة ملح
ملعقة صغيرة فانيلا
نضع كوبين ونصف حليب بوعاء على النار حتى يغلي
في وعاء اخر نخفق الصفار البيض مع السكر حتى يصبح لونه فاتح ونضيف الفانيلا والطحين ورشة الملح ونصف كوب حليب ونخفقهن جيدا وننتبه لعدم وجود تكتلات بالمزيج يجب ان يكون ناعم وسلس
نضيف الحليب الساخن بتردج على مزيج البيض ونحركه جيدا ونرفعه على نار هادئة مع التحريك المستمر ليسمك حوالي 5د
ونضعها بوعاء نظيف ونغطيها بنايلون ملتصق بها تمام حتى لا يتشكل طبقة ناشفة على سطحها عندما تبرد
لتخفيف دسم الكريمة ممكن نضيف عليها كريمة شانتي ونخفقهن مع بعض قبل التقديم
وبنحطها بالقالب وزينيه بالفواكي
اخر مرحلة نص معلقة صغيرة من بودرة الجيلاتين دوبيها بالمي وادهني فيها الفواكي حتى ما يدبلو ويحافظوا على لونهن

فرسان الثقافة

[رغد قصاب]

يسلموا استاذ اسامة وشكرا للمشاركة