بيني وبينكم وبس

[ندى نحلاوي]

شوفوا يا جماعه
المشكله وانحلت
والأمور واستقرت
والحمد لله المعلم عم يخطب بالأمم المتحدة
وآخر رواق ومسخرة
والدولار نزل
وعم ينزل
بقى الغبي الي لهلأ مافهم
وحابب يضل عم يولول
ياريت يحط عقله برأسه
ويفهم الخلاصة
الي بدو يشتري اي شي من هلأ ورايح بلا طعمه
ويعد بالمطاعم وكانه مافي شي صائر بالبلد
ويعتبر حاله مغلوب عل أمره
ف خرجه الله لا يقيمه شو ماصار فيه
المفروض نحنا الان ما نشتري اللبن مصفى ب ٦٠٠ ليره
ولا صحن البيض ب ٨٠٠
لانه هيك بنكون عم نحرض التجار عل سرقتنا عينك عينك
معلش تعوا عل حالكم شوي
فهمنا في شغلات مافينا نستغني عنها
متل الادويه والاطباء والمواصلات
لكن حتا الأكل فينا نصفن فيه
لانه هيك شغله مارح يحلها غير مقاطعة هل التجار الحراميه الي مصرين والدنيا فيها الي فيها انو يغنوا عل حسابنا
ولما بتكسد بضاعتهم وبتنتزع يمكن يصفنوا ويحسوا
وحتى اللبس كمان
اللهم أني قد بلغت .....

[خالد جابر]

أنا لازم أقرأ كل شيء تكتبه الأستاذه ندى , وكتابتها كتير مليحة , ربي يوفق الفرسان ويحفظهم , والله كلامك يا ندى معبر وفيه نقد لاذع مفيد , أشكرك جزيل الشكر , لك التحية .

[محمود ابو اسعد]

المسرحية انتهت وانجلت الغبار والمكيدة عجز الشيطان على ان يقوم بمثلها...............

[ندى نحلاوي]

شكرا اخي خالد والله يوفقك,نعم معك حق أستاذ محمود:
والله يستر ما تطق براسهم ويسكروه عل الخالص ...يارب فرجك

طريق القصر من ساعتين و لهلق ..

[ندى نحلاوي]

ماعاد في حكي

أكدت مصادر في لجان محروقات ريف دمشق، وجود دراسة حكومية جدية لرفع سعر ليتر المازوت إلى 75 ليرة بالتوازي مع رفع سعر اسطوانة الغاز إلى 1300. وبحسب صحيفة "الوطن" المحلية، التي لم تذكر أسم المصدر، يرى مراقبون أن الحكومة تسجل نجاحاً منقطع النظير في تحقيق مخاوف المواطنين، وخاصة إذا ما أضفنا منعكسات قرار إعادة هيكلة دعم المحروقات، مع اقتراب فصل الشتاء إلى معاناتهم المثقلة بالهموم المعيشية وارتفاع أسعار الغذائيات والدواء والملبس والغياب الواضح للرقابة على الأسواق. ورفعت "وزارة التجارة الداخلية وحماية المستهلك" سعر ليتر البنزين لـ 100 ليرة سورية بعدما كان 80 ليرة، وبمقدار زيادة 20 ليرة، كما رفع سعر ليتر المازوت سابقا لـ60 ليرة سورية بعد أن كان 35 ليرة، ورفعت سعر اسطوانة الغاز إلى 1000 ليرة سورية، أي بارتفاع 600 ليرة تقريبا عن آخر سعر حددته الحكومة لأسطوانة الغاز العام الماضي، أي بنسبة ارتفاع حوالي 150%. وشهدت الأسواق لهذا الأسبوع ارتفاعاً ملحوظاً في أسعار البطاطا التي ناهزت 140 ليرة، وسجلت البندورة 100 ليرة والخيار 160 ليرة كرقم قياسي لم يشهده من قبل. أما الكوسا فتراوحت بين 70- 80 ليرة والباذنجان ارتفع إلى 75 والبصل الفريك 40 ليرة واليابس 65، والفاصولياء 290 ليرة واللوبياء بالسعر نفسه تقريباً، والفليفلة 65 ليرة، في حين تراوحت البامياء بين 175- 250 ليرة حسب الجودة. وكانت مديرية الإنتاج النباتي في "وزارة الزراعة والإصلاح الزراعي"، أوضحت مؤخرا أن تدني نسبة تنفيذ المساحة المزروعة بالخضراوات، كان لها الأثر الأكبر في نقص الخضراوات في الأسواق المحلية. وذكر رئيس "اتحاد غرف الزراعة السورية" محمد الكشتو في تصريح سابق لـ"الاقتصادي سورية"، أن أسعار الخضار والفواكه ترتفع بشكل يومي ولن تنخفض نتيجة ضعف القدرة الشرائية للمستهلك. وما زالت أسعار المواد الغذائية على ارتفاعها المعتاد إذ سجلت علبة التون النوع الممتاز 210 ليرات، والساردين 120 ليرة، واستقر كيلو السمون والزيوت بين 400 و500 ليرة، في حين وصل سعر بعض أنواع الأرز إلى 500 ليرة وكيلو الحمص اليابس 165 ليرة والفول اليابس 175 ليرة والفريكة 250 ليرة والبرغل 125 ليرة والعدس من 160 إلى 220 ليرة حسب النوعية والمصدر.

[عدنان كنفاني]

مساؤكم فرح أخواتي وأخوتي
المطربة الممثلة الفنانة العزيزة الغالية "الصبوحة" أطال الله عمرك، صار عشا الموز أرخص من عشا البطاطا يا ست.. كيلو الموز بـ 115 ليرة سورية، وكيلو البطاطا بـ 150 ليرة فقط.. والأفضل تصير الأغنية.. بلا الغدا.. وبلا العشا كمان، وما حد بيموت ناقص عمر، وعقبال العريس الأجد والأصغر سنّاً وإنتِ بخير..