يا ريت يوسع هالمدى

[فردوس النجار]

يا ريت يوسع هالمدى قنطار..وتعلا على علوو سبعة شبار..
بركي ياعمري تـْغـَرِّبْ الأحزان ..وبْفـَرْد دفعة تجيب طون قمار
بركي السواد بيختفي من الليل..ويصير وَقـْتـَك مَسبَحة الـْنهار
وتتكاتف الأحباب دُوَّيرَة..(وسهرة عريقة بلا عتم تندار)
وترجع سوريا شجرةالزَّلوع..وُيْقـَطـِّفـُوا العربان ليل نهار !!!!!!!!!!!!!!!!!!!!!
وُيـِغـْزِي النحل دوحاتنا أسراب..يصير الشهد خـَوْخَة لباب الدار
ياريت يبقى للحلم أعمار ! !!!!!!!!!!!!!!!!!
ياريت تسرد بالحكي كلو..يصيروا الطلاسم يهربوا يفلـُّو
بركي المواجع تقلبُن أفراح.. وُبركي الرحيق بيرجع مْحَلـُّو.
هالراكدي.. ضاعت خواتمها..ضاعوا عن الضحكات والمشوار
شو مْعَتـَّرَةالفستان لـَبَّكـْها..نـْصُّو عْلـِْق بالموقدي و النار !
يا آه ..يا فـَرشي إلي من سنين..كل الحكايا اليوم تعبانين
كل السنونو لـَخبطواالـْفصول..والعز تاركهن لـَ مـِين ؟وُمِين ؟
دخلك حبيبي ..يا زمن عـَ الزِّيق ..يا دعسة الجايين من بكرى
يا صورة البلدان قلب الدِّيق ..وصيحات يلـِّي بيرتجوا الذِكرى
_عَمِّرْ خيال من الـْهَنا تـَنفيق..هيدي الزوابع..سعدي محتكرة
كـَبَّرْ عَلـَيِّي الموت ..وسع سنين..من الدَّمّ صارت دمعتي عْكـْرَة
امةِ غريبةِ بتعشق الإذلال ..مْتـْعَوِّدي عالسوط والصِّخـْرَة
هاد الألم جرعاتنا ع الريق.. من قبل ما يصير الفـَرَح فكرة
يا ألف غصة قاعدةِ بْ دَوَّار..ياريت يوسع هالمدى قنطار..
وتـْصحصح الأمة من السَّكـْرَة......!!!!!!!!!!
دمشق: الشاعرة فردوس النجار

[مصطفى السنجاري]

دمت شامخة ابية يا ياسمينة الشام اختنا فردوس النجار وامتنياتي بالعزة والامان لأهلنا في سوريا العطاء والمجد

[فردوس النجار]

شكرا لمرورك أستاذي الكريم مصطفى السنجاري..دمت ودام ألقك

[شذى ميداني]

تحيتي لك شاعرتنا ولكل اهل الشام وصبرا آل الشام..فلنا ...

[فردوس النجار]

أشكرك أستاذة شذى ميداني..لك تقديري

[كاظم الفضلي]

جميل ان تأخذنا قصائدكِ الرائعة في رحلة
ممتعة رغم مرارة الألم .. حفظ الله سوريا
وأهلها .. شكراً لهذا الألق .

كاظم الفضلي

[فردوس النجار]

شكراً جزيلاً أستاذ كاظم الفضلي ..دمت لنا أخاً كريماً

[الحلم القاتل]

مشكورة اخيتي شعر شامي رائع.
تحية

[فردوس النجار]

سعدت بمرور الحلم القاتل أشكرك