جـتـكـم شـوطـة تـشـيـلـكـم

[دكتور أحمد الليثي]

أنا آسف والله يا غـزة
ألمك في القلب له وخزة
وصراخي ماحدش سامعه
وحياتي مالهاش مغـزى.

صبرك على وهني شهيد
جوعك من عاري يزيد
وآدينا أهـوه بنتفـرّج
وما نعرف طعم العِـزة.

أولادك دول رجالـة
واحنا اللي بقينا حثالة
بندوَّر على مية عِلّـة
ونقول قال أيه بنتأذَّى!

حكوماتنا مالهاش قيمـة
سياساتنـا دنيئة لئيمـة
وشعوبنا توطِّـي ف ذلّة
جزار وبيسحب عنـزة.

الجنـة تنـادي ولادك
وبتخزي ف عين حسَّادك
واحنـا اللي قتلنا شبابك
وعملنا بحـزنك مـزّة.

قاعدين نقـرا الجرانين
وإذاعـة آدينا سامعين
والشهدا أَهُـم شايفين
وضياعنا ف رقص وهزّة.

بنقـول إننـا إخـوان
نشارككم ف الأحزان؟!
في البرد باكون دفيـان
ومعـادي الأنفلونـزا.

أمـة مليـار وشـوية
أحرارها ما يْجُوش مِيّة
مسجونة ف سجن كبير
وعليه مِيـة قفـلِ وْرَزَّة.

سجَّان السجن عميـل
حساباته بالبـراميـل
وِان طفل يعيَّط جنبـه
بعذابـه بيزداد لـذة.

وحـدة أمتنـا الكـورة
في سبيلها بنفـور فـورة
ربي يجيبلكـوا كام شوطة
وتشيلكوا بدون لامؤاخذة.

[ريمه الخاني]

لامؤاخذه فهمني وحده وحده
الظاهر ماعدت فهمت ولاشي
وعجبي

[دكتور أحمد الليثي]

المسألة ببساطة أختنا ريمة أن "غزة" في شقاء وحصار، ونحن لا همَّ لنا إلا كرة القدم. ولا نجتمع إلا عليها. فقلت للأمة بأسرها أنتم تستحقون "شوطة" تأتي بأجلكم، بدون أسف أو اعتذار.

[كمال العطيوى]

شكرا اخى الكريم على هذه المشاركة الممتازة
واتمنى لك كل الخير
كلماتك رائعة

[دكتور أحمد الليثي]

شكرا اخى الكريم على هذه المشاركة الممتازة
واتمنى لك كل الخير
كلماتك رائعة

الأخ الفاضل الأستاذ كمال
شكر الله مرورك وتعليقك. ويسعدني حضورك دائماً.
دمت سالمــاً.

[ندى إمام عبد الواحد]

والله صدقت

[دكتور أحمد الليثي]

والله صدقت

شكر الله مرورك وتعليقك.