كذابة

[فايز كرم]

كذابة ب حبها وبعشقها .. كتير كذابة
تاهت .. وراحت وحدها بوحشة الغابة

وأنا ل اعطيتها من قلبي الحنين
وهي اعطتني الألم هدية من أحبابي

شو اعملت ! لو بحبها خفت تخمين
خفت على ضياعها من وحش بالغابة

هيك الجزاء ناخدو من ناس المحبين
هيك الجزاء ينفرض من ورد عنابي

حبك صلاة .. متل السجود مأسورين
بعيون كحلا ومن شفاف.. سرسابة

ليش ارميتني ! على طرقات مهجورين
ليش اجرحتني ! وسكّرت عالهوى بابي

كنت مخبيلك بقلبي الأشواق مدفونين
وانت مخبيلي القهر آآآآه ببسمة كذابة

ارجع لنفسك و حاسب كلامك المسمومين
وارجع شوف جروحك بالجسد تحت أتيابي

شو انسيتي !! مشوارنا ع ضياعنا الحلوين
انسيتي الحلا و الضحك ل كانو أصحابي

فوقي لنفسك وحاسبي كلماتك الغدارين
فووقي .. وارجعي داوي قلوب منصابة

ناطرك على أطراف طرقات منسيين
ناطرك ومخبيلك أشواق وبقلبي الحنين
ناطرك على نهدات قلب وروح يا كذابة




شحرور الضيعة
26/5/2010

[آداب عبد الهادي]

الشاعر القدير فايز كرم المحترم

ناطرك على أطراف طرقات منسيين
ناطرك ومخبيلك أشواق وبقلبي الحنين
ناطرك على نهدات قلب وروح يا كذابة

أعجبني هذا المقطع بس بلاها هيدي (يا كذابة).

قصيدة جميلة ورائعة وأعجبني استخدامك المتقن والجميل للهجة المحكية بطريقة خفيفة الدم ولطيفة.
دمت شاعراً مبدعاً ومتألقاً

[فايز كرم]

الشاعر القدير فايز كرم المحترم

ناطرك على أطراف طرقات منسيين
ناطرك ومخبيلك أشواق وبقلبي الحنين
ناطرك على نهدات قلب وروح يا كذابة

أعجبني هذا المقطع بس بلاها هيدي (يا كذابة).

قصيدة جميلة ورائعة وأعجبني استخدامك المتقن والجميل للهجة المحكية بطريقة خفيفة الدم ولطيفة.
دمت شاعراً مبدعاً ومتألقاً

شكرا لهذا المرور الكريم
بس كلمة يا كذابة اللتي طلبت الغائها هي بيت القصيد هنا
تحية لك
شحرور الضيعة

[كاظم الفضلي]

الشاعر فايز كرم ..
قصيدة رائعة بصورها البليغة ومفرداتها
المعبرة . سلمت .

كاظم الفضلي

[فايز كرم]

الشاعر فايز كرم ..
قصيدة رائعة بصورها البليغة ومفرداتها
المعبرة . سلمت .

كاظم الفضلي

الأخ المحترم كاظم الفضلي
يسعدني مرور ك على قصيدتي
تحيتي لك
شحرور الضيعة

[رغد قصاب]

قصيدة مميزة فعلا لشاعرنا فايز كرم اتوق لاراها مغناة ....لانها تستحق
رغد

[ندى نحلاوي]

جمال الشعر بان يأتي بأمر جديد غير مألوف
شكرا لجهدك
ندى

[عقاب اسماعيل بحمد]

تحية للشاعر الزميل
فايز كرم

*****

قالت عيوني كثير مشتاقين

ونهدات قلبي معانقا ثيابي

وراق بغصوني كثير بردانين

حرقة غيابك جمر بعبابي

رفاقي ورفاقك كل عرفانين

تركت الهنا ومسكره بوابي

ببقى وحيدة لو تمر سنين

الكحل بعيوني دمع بشرابي

تركت الغنا والرقص والتلحين

نسيت الفرح وكسرت شبّابي

جاوبت حكي منمق بتلوين

ليش العتب يا كاسره عتابي

عندي علم والقمح صار طحين

وخبزك عجينو بناركذابي

*****

الشاعر اللبناني

ابو شوقي