بعدك بتحبني....

[ريمه الخاني]

بعدك بتحبني....

بعدك بتحبني..
بعدني بلم زهرات القمر...
بعدك بتلحق خطواتي...
خلص بعد هيك...رح روح للسفر...
حبي بقلبي شرب من عمري ليل وسهر...
رحله غريبه..لوصلت عتبات الصخر.
لاتنحني لاتنقهر..
كلنا على الباب دهر..
حاصرت نظراتي..
ونسيت دمعاتي..
وخليت دربي جمر..
لاتعتذر قلبي إلك..
بس صار مغرم بالسَحر
ينثر عبيره..
يبكي على ماضي عبر
لاتعتذر ذنبي هويتك ..
غلطتي غلطة عمر
يمكن حزن يمكن هجر..
يمكن حنبقى متل عبدن لو صبر
عالم بعيد مشوش ولاهي..
حتى النظر بالعتم مو ناهي...
لاتعتذر...تعب الطريق ..
لكن مافي خطر
بعرف بحبك.. ....
وبعدك بتحبني ...
انسى القمر

[عقاب اسماعيل بحمد]

[align=center] وينو الحب
شفتك ماشي برا الدرب
سلاحك صالي
ناصب شرك
وكاسك مالي
وثلجوعامل طيب قلب
ناعم صوتك جلدك مالس
وداعي صيدك ساحة حرب
اختار الكلمي قلبي حاسس
صوت النغمي
ولين الخيط
تسحب عقلي
تخدر فكري
وبعدا بتصلبني
عا الحيط
خيط ثوب الفتني وقيس
هندس جلس عيد قياسك
بلكي بتعرف وينو الدرب
ثوب النعجي شلحتو عرفتك
غيري منك شربو كاسك
سكرو وتاهو زارو ابليس
وعم تسال وينوي الحب؟
***
عندي الحب بقلبي كنز
مزروع ومتنامي كثير
قمح بيعطي المونه خبز
شمس بتضوي الارض كثير
حريه وعنوانا رمز
تحرر عبد تهشم نير
تربي عيال تعمر بيت
الحب ؟ سمعت الحكمه قالت
نظافه ولطافي وظرف
وطفل تعلم ينطق حرف
وصمت بيحكي قصة عز

الحب بيضوي
بيكشف درب بيسعد قلب
ولمجرب قاضي بالحب
الحب الورد يعطر جو
وام بتسهر يطلع فجر
وبي يكافح يقطع نهر
وجندي بلادو عندو كنز
يفديها بدمو والروح
يعطيها
نفسو والذات
وبتسال وينوي الحب

لو تساوو كفوف الميزان
بتشوف الحب الغالي
وبتعرف ياتاجر كيف
لمحبي فعل الايمان
الله العادل هوي الحب
والطهر ولطف النيه
وفلاح يكافح تعبان
وفقير ومؤمن بالقلب
بكوخو مع جوعو رضيان
الحب الجنه للانسان
ولأني بحبو للحب
وقلبي بحبو يبقى نظيف
تايسلم جسمي والعقل
واقدر اعطي بلادي الحب
وكون الارض بتنبت حب
رح اختار بذار مليح
وازرعهم بجسمي بقل
وحصن نفسي بكبر وثقل
وابعد عن خطوات الغدر
وصللي بمحراب الرب
وبتسالني وينو الحب
بعدو باقي
الله الحب***
ابو شوقي[/align]

[ريمه الخاني]

فعلا الله له ا لحب الحقيقي...
وبعده ..مين؟
كل الامتنان للتعقيب

[أسامه الحموي]

السلام عليكم
مرور سريع وتحية كبيرة
أسامه

[كاظم الفضلي]

الكاتبة والأديبة ريمه الخاني .. انك قادرة
على ألتقاط الصور الجميلة وبارعة في صياغة
النص الشعبي بموضوعيته ورسم الكلمات .
لأنك حبيبة الصدق والأبداع وفارسة الود أصبحنا
حولكِ أسرة . جميل جداً أن يكون أبداعكِ بهذا العطاء
دام تميزكِ أختنا الفاضلة أم فراس .

كاظم الفضلي