حلوه \ وبشعا

[عقاب اسماعيل بحمد]

-حلوه \ بشعه
عيون الحلوه لاتنامي* كرمك عالي ومتنامي
القصا ما بقا بدها * لاقوني ع المحامي
صاحبنا ذكي ومهضوم * عارف يلعب اللعبي
نفسو هفت ياكل ثوم * عافت عطر لخزامي
عندي وصفي لو بتشوف * الحظ بيلعب شطاره
تاوي ع الغدر ومكسوف * وعندك خطة اعلامي
الزنبق شميتو لسكرت * وعالفلفل عامل هجمي
وعا زنود البشعا شمرت * سجل حفنة اسامي
في وحدي بعين تراز * منخارا وشفافا كبار
فكحا وعوراوعينا قزاز * وقصر شويه بالقامي
عندك كركوبه بالرام *شبوبيه وبعدا عانس
صدرا نافر كلو عظام * ومسحوب منها الهضامي
والفرفوره من شبعا * سمرا بس عيونا زغار
من شتيا لبست قبعا * ريحة ثما للرامي
عمللك همي ع الغوطه * اقصد عمك بوهواش
شويه وسخا وقلعوطه * لسانا بدو كمامي
على كامد هم شوي * في وحدي بتحمل بعكور
بتتمرجل ع اهل الحي * المشكل عندا الزامي
لو بتشرف ع شتوره * وبتنقي من ساحتها
كل وحده بلون وصوره * محروقه وفصا حامي
عجنب البحر بجوني * تلاقي كل الجنسيات
كلو دهان ومعجوني * وبدك تدفع الزامي
***
ياصاحبنا خليك سبع * تغوى بعنق الغزالي
والجيفه بيحباالضبع * تا تهوف تصير قمامي
*
عاحوض الزنبق ياشريك * الحمد لا ع السلامي
***
ابو شوقي

[ريمه الخاني]

سلم قلمك
شعر منتثور بعنايه
رغم ان العنوان غريب
تحيه ينقل من بعد اذنك لقسم الشعر الشعبي

[ذيبان]

الشعب اللبناني مشهور بالزجل والشعر المحكي
يسلم قلمك
ذيبان

[عقاب اسماعيل بحمد]

الاحباء الاعزاء
ام فراس
ذبيان
امير الليل
اسعدتني كلماتكم الرقيقه
وشكرا لكم لترحيبكم. مما
يشجع التواصل والمشاركه
لكم حبي وتقديري
***
ابو شوقي

[امير الليل]

كلمات رائعة
بانتظار جديدك