حاولت أكتب قصيده

حاولت أكتب قصيده
عن المطر
لكن من فتره
انا وهو قلقانين من بعض
هو مواعيده اي كلام
وانا كلامي ايقاع
فقررنا نسيبها لظروفها
لا نتفق علي وقت
ولا نختلف علي شئ
انا هحاول اسافر
للسما الصافيه!
الي طردت سحابها
وهو هيبدء في العلاج
من فتره

انا و هو عندنا
اكتئاب
لكني دايما
بفتكره
في أول أيام الدراسه
لما كان بيجي
بريحه الأرض المرويه
و ف وقت الصبحيه
مع عبادين الفجر

الفرق بين الوقت والمعني
خلي المسافه ما بين الفكره
والتجربة
زي السنين الي بين البرق والرعد
كان بينا مليون وعد
و كام بجامه
علي كام جاكته
________
عمرو السعودي - البرازيل

ما شاء الله , كلمات خرجت من قلب صادق , شكراً لك وإلى الأمام أيها الهمام .

شكرا لحضورك أخيتي أمنة، وكل عام وأنت العيد.
عمرو السعودي