أسألك بالله يابوي لا تبكيني
أسألك بالله يابوي لا تبكيني
--------------------------------------------------------------------------------
يابوي ليه تبكي كل ما شفتك وعينك لي
اخاف اموت يابوي وقبل الموت تبكيني
كفا يابوي لاتبكي وانا موجود معك وحي
اجل بعد الرحيل وشلون في قبري توطيني
يابوي لو تموت الناس ما تسوى دموعك ذي
وانا يابوي ميت قبل اموت وانت محيني
قسم بالله يابوي لأجل عينك شربت الغي
جرعت الهم والحرمان وبحر الويل يسقيني
تحملت السنين الي طوتني في غربتي طي
وصار الجمر بكفوفي وتحت اقدام رجليني
يابوي ما على عمري حسافه ولابقى بي شي
ولاكن بطلبك يابوي تكفه لاتخليني
يابوي ما بي غيرك يغسل جثتي بالمي
وتكفا قبل لتكفن يابوي فكلي عيني
بأمر الله المحك وارحل في عيني ضي
وودع وجهك الطاهر مع دنياي وسنيني
وخل الناس تحميلني وترفع راسي ورجلي
وتاخذني على قبري وتكسب اجرها فيني
واذا جيت القبر يابوي نزلني شوي شوي
ووجهني لبيت الله وقبلة المصليني
واذا تقدر ابي صورتك امانه حطها في إيدي
لعل الله يشفعلي اذا صورتك في يديني
وحط الطين ودفني وعزي الي يعزي في
ثلاث ايام يابوي يجونك المعزيني
ورابع يوم يابوي تذكر ضحكتي وعني
تذكر وش كنت اقول يوومنك تناديني
تذكر يومن كنت انام في ظل النخل والفي
تجي يمي تصب الماء على وجهي تصحيني
تذكر جرة الموال وصوت(ن) في حباله كي
تذكر يوم اغنيلك قصيدي وانت توحيني
تذكر ضحكتك لاقلتلك يابوي عشقي هي
تذكر كم قصيده خافيه ما بينك وبيني
تذكر كل شي (ن) كان واذكر يوم اقابلك حي
ولاكن اسألك بالله يابوي لا تبكيني
د/أشقاني
