أمثال شعبيه حلبيه

الامثال تتشابه بين العرب مع اختلاف طفيف حبذا لو مررنا بالمتشابه ووضعنا المشترك
واهلا بيكم بحلب




الأب جلاب والأخ سلاب

الأب عشقان والأم هويانة ، والأولاد بيربوا بأحسن حالة

الإبرة اللي فيها خيطين ما بتخيط

أبرد من طين الشتا

أبرك أعوج واحكي ساوي
أي :تكلم بالصدق مهما يكن

أبشع اللحم لحم القاق ، وأبشع الرجال اللي بيحلف بالطلاق
القاق هو:الغراب

أبو جعران في بيتو سلطان
جعران :اسم لكل تافه

أبو علي بيفت ّ وأم علي بتلتّ
فت : قسم . لت : غمس بالمرق

أبي ما بيقدر إلا ع أمي

أجا الديب للغنم راح الكلب يلطي
يلطي : يقبع

أجا للأعمى صبي ، قلع عينو م التلميس

أجا ليكحلها عماها

أحسن ما تقولّلو : كش . اضربو اكسر رجلو

أحطك في حنكي وأقول ما شفتك
أحطك : أضعك

أحمض ما عندك صبّ

الأخ أخ ولو تخ
تخ : بلي

أدب ابنك صغيراً تفرح به كبيراً

إذا أبغضك جارك حوّل باب دارك

إذا أحب الله عبدو فرجاه ملكو
فرجاه : أراه

إذا أردت أن تبسط نفسك : تذكر ليالي عرسك

إذا أردت تحبو لا ترد بتمو
ترد : تجاوب . تمو : فمه
إذا أردت تهلك صبية سَكِّنْها فِ العِلِّية

إذا أردت صاحبك ترضيه : لا تاخد منو ولاتعطيه

إذا أفلس الجندي فتش ع الدفاتر العتيقة

إذا أنعم عليك الزمان ، تغسلْ وروح ع الحمام

إذا ابتليت بثقيل ما عليك إلا الرحيل

إذا استعارت الرعنة شي حسبتو إلهْـا
الرعنة : المرأة القليلة الترتيب والنظافة

إذا القمر معي : بَلَعِّب النجوم ع أصبعي

إذا الكذب ينجي : الصدق أنجى وأنجى

إذا المشايخ التفوا : إيش ما شافوا هَفُّوا
هفوا : أكلوا بنهم

إذا بدك تحَـيّرو : خَـيِّرْو

إذا بدك تشرشح رجل : سلِّط عليه مَرَة
مرة : امرأة

إذا بدك تعيش دفِّشْ تدفيش

__________________

إذا بدك مرتك تموت خليها تشعل خشب التوت

إذا تزاحمت الأقدام يمشي الأعرج قدام

إذا تسابقوا الحمير من سعد الركاب
إذا تم العقل نقص الكلام

إذا جاء كانون كُـنّْ في بيتك يا مجنون

إذا جار عليك الزمان عليك ببنات الدلال

إذا حاجة ما بتهمك وصّي عليها زوج أمك

إذا حج جارك بيع دارك وإذا حج مرتين بيعها بالدين

إذا حضر الأصيل بطل الوكيل

إذا حضر الهرس بطل الدرس
الهرس : الطعام

إذا حضرت الألفة بطلت الكلفة

إذا حضرت الملائكة غابت الشياطين

إذا حكم الميم ع القاف احكي ولا تخاف

إذا رحت ع بلاد الوحوش غير رزقك ما بتحوش
بتحوش : ترزق

إذا ردت تستريح قول كل ما شفت منيح


إذا شاف الجمل حدبتو وقع وانكسرت رقبتو

إذا شفت العجين ع إيديها طلقها ولا تندم عليها
المرأة الكسلى لا يؤسف عليها

إذا صاحبك عسل لا تلحسو كله

إذا صار لك صيت بين الحصادين اكسر منجلك
صيت المرء غنى

إذا ضاقت عليك الأمور عليك بزيارة القبور

إذا طباخنا جعيص شبعنا مرقة
جعيص : رمز للتافه


إذا عزوك انعز ولا تمشي وتهتز

__________________
إذا عملت خير كملو
إذا غرق المركب زيدو رفسة
إذا فقر التاجر فتش بدفاترو العتيقة
إذا قطع الستين حضر لو السكين
الستين : من العمر
إذا كان الطحين والبرغل بالبيت عشت وغنيت
إذا كان القاضي راضي بحرق بيت السلطان
بحرق : أحرق
إذا كان القمر معك لا تبالي بالنجوم
إذا كان الكلام من فضة فالسكوت من دهب
إذا كان بيتك من بللور لا تضرب الناس بالحجر
إذا كان راسك من شمع لا تمشي بالشمس
إذا كتر عليك الزلام كتِّر الإدام
الزلام : الرجال الضيوف
إذا كترت الطبِّيخة شاط العدس
الطبيخة : الطباخون . شاط : احترق
إذا كرهك جارك حوِّل باب دارك
إذا كنتَ أمير اشرب ودير
دير : أدر الكأس وأعط غيرك
إذا كنتِ حرة لا تضيِّعي غطاك بَرَّة
برة : خارج المنزل
إذا كنت سِيد لا تزيد
إذا كنت ع البحر لا تغرف كتير
إذا كنت ع البير لا تصرخ كتير
إذا كنت غريب كن أديب
إذا كنت من الكبار لا تخلي ع حيطانك غبار
إذا لم تكن لي والزمان شُرُمْ بُـرُمْ فلا خير منك والزمان تَرَ لّلي
شرم برم : قاس . ترللي : عطوف
إذا ما بدَّك تجوِّز بنتك غلِّي مهرها
إذا ما بكي الولد ما بترضعو أمُّو
إذا ما بينفقوها خدودها بينفقوها جدودها بينفقوها : يزوجها
إذا مات بلال بطل الأذان ؟
إذا هب الهوى بيعبي كل الدراخيش
الدراخيش : الثقوب
إذا وُضع الطعام رُفع الكلام

__________________

ومن الأمثال الحلبية القحة:


بيلبق للشبق حبق ولأبو بريص إبآب (قبقاب)
أو: بيلبق للشوحة مرجوحة ولأبو بريص إبآب (قبقاب)

إذا وقع القدر عمي البصر
إذا وقعت الغنمة تكتر سكاكينا
إذا وقعت يا نصيح لا تصيح
إذا ولدت زوجة الغني زادت الستات ست وإذا ولدت زوجة الفقير صبي زادوا الخدام خادم
أُذُن مزراب وأُذُن سطوح
يضرب من يحب نقل السوء ونشرها أرسل حكيماً ولا توصه
الأرض العالية دائما مشققة
الأرض اللي بتُقتَل فيها لا تقاتل فيها
الأرض الواطية بتشرب ماءها وماء غيرها
أرميه ف البحر بيطلع وفي تمو سمكة
تمو : فمه
أصابيعك ما هي كلها سوا
الأصيل بيجودأطعم مطعوم ولا تطعم محروم المطعوم : الآكل من قبل ويكون عفيفاً
أظن بالناس كما أظن بنفسي
أعرج ويسابق الخيل
أعزب دهر ولا أرمل شهر
أعطي الشب للصبية واشلفهن بالبرية
اشلفهن : ارمهم .
أعطي بنتك للزنكين إذا ما شبعت رواب بتشبع رغفان
الزنكين : الغني ( تركية الأصل)
أعطي خبزك للخباز ولو أكلو نصو
الأعمى بمكحلتين والأقرع بمشطين
الأعور بين العميان ملك
الأقارب عقارب
أقرع وبدو يفرح
أقرع ودقنو طويلة ، قال: شي بستر شي
أقوى من ظالم ع مال يتامى
أكال الخمام م العصر ينام
الخمام : الأطعمة لفاسدة
أكبر منك بيوم أعلم منك بسنةأكتر جهازك يامأمون : قماقم وصحون
أكتر م القرد ما مسخ الله
أكذب م الخوري ألله
أكْل اتنين بيشبع تلاتة
أكل البخيل داء ، وأكل الكريم شفاء
الأكل ع الطبق لبق
الأكل ع قدر المحبة
الأكل والهزيمة ما بِدُّهم عزيمة
أكل ومرعى وقلة صنعة
أكلة بالشيخ سعيد ما هي بعيد
الشيخ سعيد مكان بأطراف حلب
أكلة ما تنحسب عليك كول وبحلق عينيك
بحلق : حدق
ألف أم تبكي ولا أمي تبكي
ألف دقن ولا دقني
ألف صاحب ولا عدو واحد
ألف عصفور ما بيعبوا مقلاية
ألف قلبة ولا غلبة
قلبة : نكوص
إلَكْ ف الحزمة عود ، والباقي تشيلو القرود
إلك : لك
ألله بارك الدار الوسيعا والدابة السريعا والمرة المطيعا
ألله خلق أختين وما خلق بختين
ألله لا يجعل لنا ف الحرام نصيب
ألله لا يرزق الشحادة سعادة
ويل للناس من فقير اغتنى
ألله ما جمع إلا وفّق
وافق شنٌّ طَبَقَة

أهلك ، ولو تهلك ، ولو جار الزمان عليك
أهلَك أهلَك ولو ربوك مهلك
أهلي يحبوني وأنا غنية ، وبيت اِحْـماي بيحبوني وأنا قوية
أوعا تؤمِّن من حرمة ، برابيك النسوان كتار
برابيك : خداع . كتار : كثيرة
أول البازار محمود
أول الغضب جنون وآخره ندم
أوَّل بوَّل
أولا باول
أوّلها أهوَنها
أيام الحصايد بيغني قصايد
إيد من ورا وإيد من قدام
كناية عن عودته صفر اليدين

أم الخرسا بتفهم بلغة بنتها
أم القتيل بتنام وأم المهدد ما بتنام
أم الواحد ألله حيَّرها وأم العشرة ألله دبَّـرها
أمرنا الكلب والكلب أمر دنبو
أمل إبليس ف الجنة
إن الطيور أشكالها تقع
إن بركت ما بتبيِّن وإن وقفت ما بتزيِّن
برك : جلس
إن ردت تستريح .. إيش ما شفت قول : منيح
إن ضاعت الأمانات خلي مخزنك عبَّك
إن ضربتَ أوجع وإن أطعمت أشبع
إن غابك أصلو دلّك فعلو
إن كان هو العدل فأنا رباطو
إن كنتو إخوة تقاسموا ع الحق
إن ما خربت ما بتعمر
أنا الجديدة ع قلبو لذيذة ، ، والعتيق مرمر يا خيار
الجديدة ـ هنا ـ الزوجة الجديدة
أنا رطل وأنت رطل مين بدو بيحمل السطل ؟
أنا غنية وبحبّ الهدية
أنا وأخي عَ ابن عمي ، وأنا وابن عمي ع الغريب
أنت امير وأنا أمير مين بدو يسوق الحمير ؟
أنت بحقو وأنا إيش دقّو ؟
الإنسان مستور بقشاية وما بيكشفو إلا الموت
إنسان مع إنسان بتلاقى وجبل مع جبل ما بتلاقى
الأنف ما بي ع العين
كل فرد وله قدره
أهل الكرامات إلهن علامات
إلهن : لهم



ألله ما عندو حجار بيضرب ، ضرباتو خفايا
ألله مع الضعيف حتى يتعجب القوي
ألله مع القلوب المكسورة
ألله يبعت للدناقة وحام وللعاطولية صبي
الدناقة : الشرهة
ألله يجيرنا م الحفيان إذا تقبقب
الحفيان : من لا نعل له . تقبقب : لبس القبقاب
ألله يحمي الكرم م الناطور
ألله يديم البقلة ع البقال والمجرفة ع الزبال
ألله يسعدو ويبعدو
ألله يعمرك يا جنينتنا كل الفواكه فيك
ألله يعين المبتلي
ألله يقلعو حتى أبرك مطرحو
ألله ينعل الموصِّل
منقووول ولاتواخذونا

مشكور على هذه الامثال الجميلة

بارك الله فيك