معقــــــولة 00!!؟
الحوجة المُرَّة
بتخلي الواحد دايماً
مذلول في الكون وشريد
يسقط م الكسفه حيا وشه
ف اليوم يجي مليون مرة
من كسرة عينه ومد الإيد
والحاجة بتزيد
*****
طب ليه خلُّونا
نمد إيدينا
لرئيس أمريكا
ولاَّ أوربا
مع إنه بعيد
****
يحن علينا
بشروط ملعونة
تكسر كرامتنا
وتذل هامتنا
لو مرة يشاور
بعصاية ع البيت
****
نقول له ياريت
يبعت ف معونة
دقيق مع زيت
وشوية عسكر
وبارود دناميت
****
نأدب جارنا
اللي هجرنا
ما هو لمَّا طلبنا
منه معونة
رفض وشتمنا
نسي أفضالنا
وإننا عنَّاه
في فقره إياه
باينه عويل
ربك دا عطاه
الخير بالذوفه
له صفه موصوفة
طماع و بخيل
*****
فعملنا تحالف
مع جيش أعدائنا
يجي ويلحقنا
لو حتي قتلنا
واحتل ف دارنا
صالة وأوضتين
بدل اخوانَّا اللي نسوانا
بلعبوا ف لحاهم
وموش سألين
*****
فنغمض عينا
عن جيشه الرمة
ونقول ما علينا
يفعل ما بداله
في بلاد العرب
الغرقانة
ف ظلم شديد
مع إن الخير
من تمر ونفط
نعمة من المولي
طالع م الأرض رباني
لشيوخ عرب حكماني
بنار وحديد
تشكي وتصرخ وتهاني
وتقول وتعيد
يقولوا لك حاقد
لخيرنا و حاسد
أو لد عنيد
****
ها تقول لي تكافل
محتاج تفعيل
فتشد رحالك وتسافر
حسب التساهيل
عقد أو فيزه
متباعة ببريزة
أو حج وعمرة
شارينه بالقرعة
زيارة وممانعة
مهنة أو صنعة
معروضة للبيع
****
من غير تأشيرة
في بطاقة وجواز
لبلاد المال
وآبار الجاز
ومفيش ترجيع
****
مين اللي جاز
يا أهل الحجاز
إن العمالة الشغَّالة
محتاجة نخَّاس
سمسار وكفيل
****
يحجز جوازك
والست مراتك
لا تلاقي قاضي
عادل واصيل
يحكم لجنابك
ماهو خصمك جاحد
والقاضي عنيد
تصرخ وتهاتي
ولا حد يغيتك
يستعبد فيك
ويذلْ ف أهلك
أصله بربيك
وكأن زمن الجاهلية
وسوق النخاسة
والعبودية
رجع من تاني
وبشكل جديد
*****
الخوف ف الغربة
بيعمل كربة
تهد الحيل
معقولة000!!؟
راجل تيجي له
فكرة مجنونة
فيخبي مراته
في كرتونة
ويهرب بيها
ألفين ميل
****
نفسه مذلولة
ف بلاد الكعبة
والحرمين 00!!
خايف من إيه 0؟
هربانه من مين !؟
ف أرض نبينا
صلوا ع الزين ؟
*****
أمرا وشيوخ
ف ارض الدين
ماسكين رقابينا
وحاكمينَّا
بفتاوي شرعية
مقسومة نصين
*****
نص للناس الأغنيا
ونص للدرجة التانية
ولاد الجارية الحبشية
فقرا ومساكين
مع ناس غلابة
ف آخر الدنبا
من ساحل المغرب
يا جبابرة
لبلاد الصين
