زجل شعبي منقول

مجاره لملوك الشعر الشعبي في قمه الابداع
الشاعر ابو علي السودي
الشاعره ملاك عبد الله
الشاعره. بنت المحويت
الشاعر ـ ابوغازي الصانع

ابـو علـي شاعـر صريمـي لا تهجـس أو قصـد
يهيـج بحــر الشعـر والموجات في راسه تزيـد

معــي مـن الأشعـار ذي ما يملكـه غيـري أحــد
ذي لا قريتــه واستمعـه الناس قالوا لي اعيــد

بحـور شعـري لا تعـد وما اقـدر احصيـها عـدد
وباصبعــي حـرك عفاريـت الشعــر باللـي أريـد

إذا تكلــــم هاجســــي ولا مــن ابياتـــه ســـرد
بكل سمـــرات الهواجـس هاجسي نوعه فريـد

ولـــدت شاعـر واكتسيـت الشعـر من وانا ولـد
الطفـل يعطــوه اللبـن وأمـي ترضعنـي قصيـد

أطـــوف العالـــم قصائـد واجمعه عرضاً ومــد
أسقــي الوديـان مـن بحــري ويخظـر الجليــد

أناالملك ذي فوق عرش الملك من صغره قعــد
وكل خـــدام القصائــــد يخدمـوا عندي عبيــد

مسكـت فكــر الشعر في يـدي وفكيــت العقـد
تلين جزلات القصايــد في يدي لو هي حديــد

وسيفـي اللي لا ضـــرب من ضربتـه هزى بلــد
وراسـي اللـــي لا طنـخ ما رده البأس الشديـد

أنا الــذي عفريـت شعــره تحـت أقدامه سجـد
أنا الـــذي ركـــع ملوك الجن واخظعت العديـد

أنا الــــذي كابـــر ورثـت العــز عــن أباً وجـــد
وعزتــي تبقـــى كمـا هي لين يورثها الحفيـــد

أنا الـــذي فـــي هــذه الدنيــا لشدتهــا أشـــــد
أنا الــــذي لا حب حاجــه جابها لو هـي بعيـد

أنا الـــذي ماطـــاح راســـه غيــر لله الصمــــد
أنا الـــذي لا شفت حق اوقف بصفـه ما أحيـد

أنا الـــذي لا خــاض حربه ما تراجع أو هجـــد
أنا الــــذي خلى حياة اعداه معصــوده عصيـد

أنا الـــذي عيــــش عـدوه كامـل انـواع النكــد
أنا الـذي سيفه قطع كم رأس متغطرس عنيـد

أنا وذي ماقـــد عرفنــي ســل سيفـه واستعـد
بس لا يفكـــر لا نــزل صيته لصيتــه يستعيـد

إذا رميـت ارمـي بقلـب الخصـم ولا في الكبـد
وكلمـــا وجهـــت رميـــه لازم الرميـــه تصيــد

أنا الـــذي عـن صاحبــه ماقـــد تخلى وابتعــد
وما تشـوف اصحابي الا كل متنومس وجيــد

رفيقـي اللي لا تقــدم فـي المعــارك ما شــــرد
رفيقــــي اللي لا غـــزى يرجع دياره مستفيــد

وديرتـي ذي يسكنونهـا أصغـر اصغرهم أســــد
ومن عرفهم قال أنا أشهدصيتهم واسع مديــد

رجـال حاشــد صــف واحـد قـد توحد واتحـد
وحكمهــم شـــورى ومتهنيـن بالعيش الرغيــد

انا اكـــرم السـودي وفخر ابناء عمي و السنــد
وكــل سـودي جانبـي وانـا بجانبهـم أكيــــــــد

هـذا وصلـي عالحبيـب ولانـت شاعـر هـات رد
وإن ماكفاك الدرس انا باعيدها لك من جديـد

#بقلــم الشاعــر ـ ابــو علـي اكــرم الســــودي

الجواب

ان كنــت بحــــر الـشعـــر. يااكــرم اناجـزره ومــــد
امواجـــــه اللــــــي باتحـطـــــــم كل ربان القصيــد

بنــت الحيــــام ذي حــرفهـا مثل الصواعق واالبـرد
يقصـــــف ويتحـــــدئ اذا ماشـن هاجوسي حديـد

خيالـــي الــواســـع الـى فـوج السحايــب قدصعــد
محــال انـــــك تـهــزمــــه مـادم في بــرجـه بــعـيد

مـحــــــال يتراجــــــع. والاقد جـف مـزنه اوجمـــد
الــشعـر عــرشي وانتـبه تقـرب من العرش المجيــد

انا الامـيـــره فـوق عرش الشعـــر لوتـبكي كـمــــــد
لاتـستفــز الــــشاعـره حـتـى والوا كـنـت الرشـيـــد

بنــــت الـحيــــام الشــاعــره بالــعز ماتخظـــع لحـد
ماتخظــــع الا للكــريــــــم الخالــق الـرب المجـيـــد

وامـي اقـبــــل رجلـها واخظـــــــع لطاعتهـــا قصـد
لانهـــا جـنــــــــة حــياتي وجنتـي يــوم الوعـيـــد

انا حــروف الــقافـيـــــــه وابـوابهــــا والمعــتمـــــد
مـاقـــــط فـي شــاعر هــزمني اوكســرني بالوعيـد

ازرع بــــذور الــخــير ياشاعر ومن يــزرع حـصــد
امـا ورود او شــــوك. يــدمي كل خطوه يا فريــد

بنــت العـــــزاز اللي لهــــم قامـوس عــالي مستنــد
مـثل الــنماراء والاســود والصـقر ذي عـــاده وليــد

خـيلـــــه وربانــــي ابـــي علـــى المبــــادئ للابـــــد
عـن مبدائــــي والـنهج الاول مستحيـــل اني احيـد

اقــــدر النــــاس الــكـــــرام واحـط للااوغــــاد حــد
واعطــي لكل.انسـان قـدره واحتــرم من كان جيـد

هـذي انا بـنــــت الحيـــــــــام مــلاك عبدالله مــــرد
للقـبيلـــــه والـعــرف انـا دايـــم مـع الـراي السديــد

هـــذا جـــــــوابــي لـك ويــكفــي بـــس لاهـانا وحـــد
والا يـــمـيــن الـلـه. لاخــلــيـــك. يا شـــاعـربـليــد

بقلم ✍️الشــاعره مــلاك عبدالله الحيمي💫

يا مـرحبا يعتــد ما حنــت صواريـــــــــــــخ العنــــد
وما برق وأرعــد وسقـــى سيلــه أطــراف المديـــــد

حيــا بــــذي ردد وصــــاغ القافيــــات فيمــــــا ورد
ورتــــب حـــروف أبجــد ونظمها في أبيات القصيـد

ونعــــم ميــــات وأشهـــد بأنــك أصل من أباً وجـــد
صبة بني محشــد صريمــي صلـب قاسي كالحديــد

أعتــــز بــــك وأشتـــد يا رزحـــي وعونـي والسنــد
والكـــف والمزنــد إذا أشتـــدت في الظـرف الشديـد

مرحـــب ألـــوف وأزيــد وحيــا بك مـلا أرض البلــد
من حوف لا المحفدومن صعده إلى أطراف الحديـد

يا الهاجــس أتنهــــد وهـــات ردك علـى شاعر ســرد
أبيــات ولـــه مقصـد أجاريه بالجـواب يطلب مزيــد

يا ســــودي أتأكـــــد بأنــــي لا يجارينـــي احــــــد
لي هاجـــس أتفــرد فـي الإبداع ومن نوعـــه فريــد

من بحـر يتجـــدد والأمـــواج هائجـــه جـذرا ومـــد
حيا بــــــذي أكــــــــد جوابــــه إن هاجوسـه عنيـــد

والهاجـــس الأوحـــد لديـــا فالجزيـــــره معتمـــــد
لا هـــــاج يتمــــــرد على الشُعــــــار ويوقدها وقيـد

يا نصـــل خنجـــر حـد يقـد أضـلاع مـن عـاده قـــد
ويصـــــــد الأعـــداد صد ويحصـــــدهــم حصيـــــد

نســأل مـن اللـــه الصـلاح ويلــم شمــل أهـل البلــد
ويحفـظ الشعـب اليمانـي والوطـن يرجـع سعيــــــد

أليـن قلـوب واصحـــاب حكمـــه كلنـا أهـل المـــــدد
الـــــديـن يجمعنـا وأرظـي والدمـاء ذي فـالـــوريـــد

وإحنـا جميعـا مثلمـا روح ساكنــــــه داخـل جســــد
مايــو جمعنــــا كلنا فـــــي يــــــوم وحدتنـا المجيـد

والطيــــر جمهـــــوري لجنحانــــــه وريشه قد فـــرد
سبتمبـــــــري إكتوبــــــري وكــــم بذلنا من شهيـــــد

قظايـا العـــــــرب والمسلمـين مايـــوم نسيناها أبـــد
رغـــم المشاكـــــل فوقنـا مايـــوم نسيناهـا أكيــــــد

يااللـــــه بحسن الخاتمه وارحم وجنبنـا والحســــد
واغفــــــر وسامحنـــا وترحم حالنـــا يـــوم الوعيــد

صــــلاه تتـــــردد علـــى طـــه النبـــي دائم أبــــد
الهاشمــــي أحمـــد شفيـــع المسلميـن يوم الوعيـــد

*بنت المحويت*

يابوعلي كم شاعرن قبلك تمادا وختمد .
لن هاجسي لاقام بايعصد الشعارك عصيد.

والجن بالتعزيز باتقبل علياء والمدد.
ببيات تتفجر لضاء وترعد الدنياء رعيد.

ابيات تصحي هاجسك لانام فجىه اورقد.
وتجعلك في بقعتك يا ابوعلي مثل البليد.

ماينحني ذاء الراس ياخي غير للفرد الصمد
ودايمن طبعي تشوفه ساعت الشده عنيد.

ذاء مقصد الشاعر وغيره لي يوضح ماقصد.
تكفيك ذاء الابيات ولاقل زيد واناء ازيد.

كلمات الشاعر/ابوغازي

يارافـع السبــع السمـــوات دون ساســـاً او عمــد
يالواحــــد المعبـــــود ياعالـــي علـى كـل العبيــد

المُـلك لك وانـت الملّك مالك شَريك فَالمُـلك حـد
تعـــز من تشتــــي ومـــن خلقـك تـذل الي تريـــد

الحمـــد لـك بِعـداد من صلى ومـن لك قد عَـبـــد
والشكـر لك ملئ السماء والأرض والكون المديـد

مـن بعدهـا يامرسلـي إمشـي فـي الخـط اَلجلّـــد
شل الجواب لامجدمن السودي من النوع المبيـد

ووصـل وصكـه كـف لومــا يحسـب أيامـه عـــدد
واسوي خُزام في داخل أنفه وربطة بستين قيـد

وقلــه اليــــوم سيــل اكــرم سيلــه الدافـق ورد
با يجحفـك يا امجد من دارك يكوشــك لا زبيـــد

مـن عـاد بايوقـف معـك لا راعـد السـودي رعــــد
شهَــــد وكبـــر لا ربيـــت الشعــر حقـه مـن بعيـد

وامجـــد الصانـــع نـوا لصيـد فـي بيت الأســـد
وأصبحــت ياصيــاد في بيته فريسـة له وصيــد

مـــن شـب نـاره لا يحسـب رجعتـه عتكــون امـد
علــى حسابــي شبهـــا لاكـن ايحنـب فالوقيــــــد

لك وعــد منـي وانـت تعـرف وعد اكرم لا وعـــد
لا عرفــك حجمــك وقــدرك عنـدنا كـــم يابليــد

كابوســك المرعـب هـو السـودي وجـلادك بعّــــد
مسمـــار راسك يرعبـك لاقـد بسرته مـن بعيـــــد

اليوم اتعـرف ايش معنى البحروش معنئ الزبـد
والفــــرق بين الفارســي هرمـز وبين ابن الوليــد

لا عـد تحاول كي يكن لك في كـلام الشعــر يـــد
ومـــن بحور الشعـر ماقد به معك برميــل حديـد

باحـذرك مـــادام عـــادك فالقصايـــــد مستجــــد
خـــل السباحـة في بحـور الشعر للي هو يجيـــد

واعــرف بأنــك منـت قـدي لا ولا لي انـــــت نــد
وضـــرب حسابـك لا نويت انـك تبارز من جديــد

وابوعلــي لاقد برز سيفـة ما يــرده فـــي غمـــــد
الـى ومـن خصمـة قـد اجتث الحواشـي والكبيـد

ابـوعلـي لا هـــاج بحـــره يعتجـــن مـن كـل حــد
مـــن يقربــة بايزرطــــة مدخل ويلقـي به فقيــد

واســأل علــى السودي كم شاعر تحداه واجتلــد
وعـــاد مــن عنــده وهو مذعـور من جـور اللكيـد

وامجــد وصــل بالبـدع متهـــور وبالــرد اكتبــــد
وعادهــو ماقـد ربـاش الى حجر من عرض حيـد

والان يا اما تجــي وتحـــب لـــــي ركبـــــه ويـــد
ماشــي اتلقـى من غضب اكرم والبطش الشديـد

با رجعـــك خايـــب ومـذلـــول بين ربعك للأبـد
اذل من صعبـــي مقيد عـاش فـي دنيــاه نكيــــد

وانا الفتئ الســودي ذي لامــد فوق الخصم مــد
يحـــرم على امه من يعادينـي يلاقي يوم سعيـد

بالعــز انا عزيــت نفسـي مــاورثتــــــه من احـــد
عــزي من اللــه العزيز ماهـوش من فضل العبيـد

لابـأس يااكـــرم مــادام انــــت فالغابـــة اســـــد
خـــل الثعالــب والضبـاع بالمكــر والحيلــه تكيـد

ياامجــد قــد ذاك انـا سويـــت لـك فالبـــــدع رد
ون كـان به قاصـر معوض في جواب ثاني نزيـد

وازكــاء صلاتــي عـد ما شنــت من امزانــه بـــرد
على الحبيـب المصطفى الشافع لنا يوم الوعيــد

#شاعـر حاشــــد ــ ابـو علـي اكــرم الســــــودي