معلقة من القلب

الحمدلله والفضل الله
معلقة من القلب❤
مهداه للاخ والحبيب/احمد بن محمد قحل بمناسبة زواج الابن الغالي / رعد
بقاعة براديس بابوعريش يوم السبت الموافق ١٤٤١/٠٥/١٦ وفقة الله
......................

البارحة هزة شعوري هواجيس
وسريت بالخاطر على ما طارلي

انظم بيوت الشعر وارسم قوافية
واهدي سمان الهرج مما بدالي

اكتب حروف الحب واصدق معانية
لهل الفعول الطيبات الجزالي

اقول فيها وافتح القاف وابداه
بسم الله الرحمن اول وتالي

ربا كريم وعالم بالنوايا
وكلتلة امري وعلية إتكالي

ماخاب منهو سلم الامر لله
ولاخاب من يرجية في كل حالي

وصلاة ربي عداد ما غرد الطير
وعداد حبات المطر والرمالي

على شفيع الخلق في يوم الاهوال
لاضاقت الانفس وضاق المجالي

محمد الهادي وراعي الشفاعة
وصاحب الوجة الاغر والكمالي

جينا نلبي دعوة الشيخ احمد
ولنا الشرف يابورعد وانت غالي

طاب اللقاء باحبابنا في براديس

بالعود الازرق والعطر والدلالي

ليلة لقا نسعد وفيها اجتمعنا
والبدر فيها مكتمل فوق عالي

ماساقنا غير الوفاء والمحبة
لاغلى بشر واخوان واغلى الرجالي

ناس غلاهم داخل القلب ساكن
لاما يغيره البعد والليالي

اهل النوايا القلوب السليمة
تمشي على وضح النقاء ماتبالي

اخواننا واحبابنا آل خيرات
اهل العلوم الطيبة والفعالي

انعم واكرم بالمكارم والاخلاق
رجال في الشدات مثل الجبالي

سلام ياشيخ رفيعة مبادية
وسلام يا قوم رقو للمعالي

خسران منهو جابه البحر خسران
قعرة بعيد وفوقة الموج عالي

لاهاج موجه يبتلع كل ربان
ويبان خاسرها بوقت النزالي

هذا حسين الشيخ للمجد عنوان
والشيخ ابو سلطان رمز وظلالي

ولاصفو اهل المرجلة والشجاعة
هذا عواجي بالخصم ما يبالي

والشيخ ابوشيما كنجم الثريا
لا لاح في الظلمة صعيب المنالي

وايضا ابو عزام ماني بناسية
لاجاء لذكر اهل الشهامة مجالي

والاخ ناصربن علي وايضا ماجد
مثل السحب لالوحة بالمخالي

والاخ طارق له معزة وتقدير
يعرف ابو نواف وقت السجالي

ومتعب ابواحمد كما الغيث همال
راعي الوفاء والطيب حقا يقالي

لاعدو اهل المرجلة والمكارم
يضربكم ياهل المحامل مثالي

شيخ ورعيه حزة الوصف تحتار
في وصفهم مابين غالي وغالي

انشهد انكم خير اخوان واعوان
في ساعة الشده وشيل الثقالي

الله يتمم فرحكم يا آل خيرات
والله يديم افرحنا والوصالي

مبروك يارعد وعسا تتدوم الافراح
والله يجعل منزلك دوم عالي

والله يكتبلك حياة هنية
الله يرزقكم بخير العيالي

والله يعمر بيتكم بالمودة
في كل وقت وكل حين وحالي

اوصيك انك تحفظ الله يحفظك
وانصحك جنب عن ردي الفعالي

واوصيك لا تتبع هل القيل والقال
والرزق طيبة مكسبة بالحلالي

هذا بعض مما وصلني و تعلمت
واخذتها من راس عما وخالي

هذي نصيحة خذبها رعد لاهنت
اوصيك واختم بالوصية مقالي

والعود مهما اخضر لابد يذبل
ونهاية الدنيا غدا للزوالي

فالله يثبتنا على الحق والدين
لانقطعة الانفس وحان السؤالي

والله يجمعنا في جنات عدنا
مع النبي المصطفى ومع بلالي

وختامها مني سلام أتمة
وارفعلكم ياهل المحامل عقالي

وصلاة ربي على محمد وآله
اهل السجاياء الوافية والخصالي

صلاة من ربي وسلامه عليهم
ما لاح نجم في جنوب وشمالي

................

وسلامتكم جميعا

شعر✍🏻
حسن بن قاسم قحل