جنَّة الشعراء
ابو العلاء المعري
عمل للشعرا جنَّة
أنا فاكر لمَّا قال ليِّ
متقسمة درجات
الفصحي درجات عُلا
والعاميِّ والرُّرجاز
في أسفل الدرجات
تتمتعوا بالهنا
وتعيشوا ف الخيلات
وتتجوزوا التوهان
وعذاري وحوريَّات
*****
أما بتاع العامي
زي طور المتغمي
يدور ف الساقية يروي
ورد جناينكم
والقمح والنخلات
ويبات يحلم ببكرة
يدخل ينام يرتاح
ف جنّة’قلوب البنات
*****
ساعات بثور واتجنن
زي طور الوسيَّه
أنطح بقرني الحيط
وأبعت وراكوا عنيَّا
واتمني يا حسرة
جنة دانتي ف إيطاليا
ألقي فيها حواليَّا
إنشالله حتَّةجاريه
حبشية أو برمكية
تنعي حظي التعيس
بكلام حب في مواليا
