نكمل اليوم حديثنا عن حسن الخلق
بسم الله الرحمن الرحيم
صباح الخير لكل اصدقائي المبتسمين
الواثقين بالله المخلصين في عبادتهم له
خلينا نكمل اليوم حديثنا عن حسن الخلق
حكينا مبارح عن تمالك النفس عند الغضب و احتسابها عند الله سبحانه و تعالى
اليوم صار معي موقف
شخص عزيز عليي و قريب الي و مجبوره ببرو
للاسف مالي كتير على وفاق معو بسبب عدم انسجام افكارنا و طريقه حياتنا مع بعض
تجادلنا متل العاده.............ارتفعت وتيره النقاش...........تعايطنا ........للاسف ...........تبادلنا الكلام الجارح!!!!!!!!
افترقنا
طبعا شكيت المشكل لامي بطريقتي الحاده و فشيت قلبي .....
خفت وتيره الغضب عندي
صفنت
شو هالمشكل التافه اللي سبب القصه كلها
هل نحنا البشر منجم كبريت ناطر شعله صدفه ليهب
ويييييييييييييييييين الصبر................وين الاناه...................وين الحلم
ياما اشخاص خسرناهم و فقدناهم لاسباب ............نخجل نعترف فيها
اكتر من هيك...........هالشخص اللي عم نزعلو........
هل نحنا ضمنانين انو نحنا على حق ميه بالميه.............و انو هو مالو مظلوم و لا واحد بالميه
طيب لو كنا ظالمينه .............ويييييييييييييين بدنا نروح من هالوزر
طيب لو الحق معنا و اتمسكنا بوجهه نظرنا و كرامتنا و كبريائنا و عزه نفسنا
و ما منتراجع .........و لا منعتزر.............و لا منحطها واطيه
بركي ............هالشخص................ما عاد شفناه بعد هلق........
راح ............و راح معو كل كبريائنا
فكره انك تزعل حدا من والديك و يروح و هو زعلان و تدفع عمرك كلو ندم و حسره على لحظه تفريط
فكره انك تقهر اخوك و يروح و تعيش كل عمرك على عذاب الضمير
فكره انك تزعل ايا بني ادم ......و يروح......و ما يرجع
اكتر المشاكل الكبيره عم تبقى لسبب تافه.........
حلها ابسط كلمه طلعت من ثغر سيد الخلق
لا تغضب.............لا تغضب............لا تغضب
و اذا صار .........!!!!!!!!
انا المسا دقيت تلفون و اعتذرت ...........و طيبت الخاطر بغض النظر اني على حق او باطل
اصلا لما بتصفى القلوب ما عاد يهم مين الصح و مين الغلط
لان الحب و الود و الرحم .............اهم من وهم الكرامه
راجعوا حالكون
استسمحوا من بعضكون
حبو بعضكون
الوقت قصير كتير و بينسل من بين اصابيعنا متل الملح روحه الى غير رجعه
يا رب امتنا على التقوى و ثبت قلوبنا و لا تزغها
شيرين الشامي
