دوبارة!!!!

https://fbcdn-sphotos-b-a.akamaihd.n...92137837_n.png

‫#‏دوبارة‬ ‫#‏سوريا‬ ‫#‏نصائح_دبرجي‬
يسعد مساكم معكم ‫#‏دوبرج_متفائل‬.
رح اطرح اليوم موضوع صارنا كل ياتنا منعرفو و صار شي جوهري عند الكثيرين وخصوصاً بعد ما اضطرت العالم تتغرب.
طبعا عم احكي عن " الانكليزي"
كل البلدان الأجنبية والعربية حتى يلي عم يسافروا الها الشباب عم يكون موضوع اللغة الانكليزية شي أساسي لقبول اي موظف جديد وبكل الاختصاصات ... طيب شو الحل؟
سجل كورس... ما بكفي والكورسات غالية ومو كل العالم عندها قدرتها.
هدول كم نصيحة خدهون مني و اذا بتعرهون انت لا تنسى تنشرهون مع غيرك وتفيدون كمان متل ما انت استفدت:
1- العزيمة: جهز حالك وخود قرارك الموضوع صعب بس يا أما بتواجه هالموضوع وتحل مشكلته إلى الأبد يا أما بيضل هالحيط بوشك عم تهرب منه ووين مالفيت تخبط فيه.
2- أهم شي أياك تمر عليك كلمة انكليزي بأي مكان وتطنشها بدون ماتدور على معناتها وتكتبها وتحفظها.
3- حاول يكون عندك رقم ثابت من الكلمات لازم تحفظهم كل يوم متل الله واحد, بس أنت حدد شو بتقدر أنك تحفظ وتلزم نفسك فيه, يعني 10 كلمات أو 20 أو حتى 50 كلمة حسب استطاعة ووقت كل واحد وأقلها 5, ... كل يوم حفاظ 5 كلمات جدد وراجع كلما ت اليوم يلي قبله, وبنهاية الأسبوع راجع كلمات الأسبوع كلها وحاول تستخدمها, وبعد شهرين لح يصير عندك 300 كلمة جديدة بتعرفهم.
4- البداية والنهاية من عندك, لا تقعد تستنا حدا يعلمك الانكليزي أو تستنا ليفتح الكورس الفلاني والعلاني
5- حاصر حالك بالانكليزي يعني لح وضحلكم أكتر كيف عم تقول بدك تتعلم انكليزي وموبايلك عربي ... والويندوز على كمبيوترك عربي وما بتتفرج إلا على أفلام عربي ... لازم تغير مشان تستفيد.
6- متعود تفوت تشوف أخبار من موقع عربي مثلاً لأ فوت على الـ BBC وأقرأ أو اسمعها سمع من المحطات الأخبارية الانكليزية ولا تنسا تطبق النصيحة رقم 2.
7- سماع أغاني انكليزي كتير قد ما بتقدر, مو بس هيك فوت على غوغل وكتوب اسم الغنية وبعدها كلمة Lyrics وجيب كلمات الغنية وحاول تلفظها بشكلها الصحيح وتحفظ الكلمات.
8- لازم تتفرج على أفلام أجنبية و لما بتكون عم تتفرج عطي حالك فرصة أنو تسمع الكلمات قدر الإمكان قبل ما تقرأ الترجمة.
9- وبمرحلة متقدمة حاول تتفرج على أفلام من دون ترجمة بنوب.
10- لما بتكون عم تقرأ بأي مكان أو أي شي تعلم ما تطنش الكتابة بالاكليزي وتحاول تفهمها – بعدي بلش بقرائة الكتب بالانكليزي ودائماً اتذكر النصيحة رقم 2.
11- أحكي انكليزي كتير وخبص وتعلم قد مابدك (العالم بتساعدك وبتتفهمك), فتاح نقاشات مع ناس احترافين ولا تهرب من هالشي, لأنو لما بينكسر حاجز ووهم حكي الانكليزي بيصير الموضوع أسهل بكتير.
12- لا تعتمد بحكي الانكليزي على الحكي مع ناس هنن أصلاً ما بيعرفوا يحكوا وينطقوا الانكليزي صح, أو بيحكوا كلمة انكليزي وكلمة عربي.
13- تعلم أنت وماشي بالطريق لو كت ببلد عربي تقرأ كل اللوحات بالاكليزي.
14- تعلم الطريقة الصحيحة لتكتب انكليزي على الكيبورد مشان كمان تتعلم الكتابة على الكمبيوتر بشكل سريع.
انشاء الله ماكون انسيت أي شي.
ما بدي وصيك التزم بهالنصائح و بيمشي حالك لان مافي شي مستحيل.
وبالتوفيق ألكم جميعاً ..
تحياتي ‫#‏دوبرجي‬
www.dubarah.com

نصائح هامة ..
شكرا محاميتنا العزيزة.