مره سحرني الهوى - ملك الزجل اللبناني موسى زغيب

من
مره سحرني الهوى - ملك الزجل اللبناني موسى زغيب

مره سحرني الهوى بقلب القفص عصفور
وهديو لابوكي وما كان القصد كرمالو

كرمال عينك إذا بدك أغاني طيور
يسهر يغني لك وتغفي ع موالو

وبالليل جبتي القفص ع غرفتك والنور
تسلل من فتحة الفستان ضوالو

ما كان عندك عِلم تتستري المحظور
العصفور هيدا انا ورَح ينشغل بالو

صرتي تفكي العراوي والعجين يفور
والضو يعكس وهج وكنوزك يلالو

يمرق خيالك سحر ع العاشق المسحور
ويجن فيه العشق ويقاتل خيالو



تشردق بدمعه وظل بجانحو المكسور
يشبِّق بهاك القفص حتى قتل حالو

https://fbcdn-sphotos-e-a.akamaihd.n...57462216_n.jpg

حلوة حلوة.وسلامنا للشاعر العزيز.

قصيدة جميلة وأختيار رائع

هلا فردوس وهلا كاظم .سعيد انكم هنا

تحيتي لك استاذ فايز على أختيارك لهذا اللون الجميل وخاصة
للشاعر اللبناني الرائع موسى زغيب .. أنا ممتن لك وعلى
ذوقك . مودتي .