الخميس, 10 مايو, 2007
طفل حزين
شفت طفل ع حجار الرصيف
شفتو وحيد وعيونو حزينه
طلب مني اعطيه تمن الرغيف
حسيت وقتها الدنيا شو ُمهينه
تململ على تيابي ومد ايدو
بلكي بيحالفو الحظ بشي عطية ثمينه
لقيت الفقر ع تيابو بادي وٌمخيف
شعرو منكش متل فزاعة لعينه
اسئلتو يابني ليش وين أهلك؟
قال : وبغصه كبيرة بلع ريقو
بي ٍ مات وأخدو الهم لتاني دني
وأمي تركتنا صغار أنا وخيٍ واختي
وانحرمنا الحب والعطف والنوم الهني
وعصافير بطني وحدن عم يفيقو
حالتنا متل حال كتير ناس
فيها القهر والفقر ومر الكاس
ولو ما بخاف ربي وكلني إحساس
كنت اقتلت نفسي واخواتي الحزينه
بس الأمل بالله وقلبو الكبير
خلاني امشي ع جروحي بسكينه
وقلت يارب استلم عبدك الصغير
انت الأمين ومين غيرك لاقيني
وقتها قلت .... ياربي الكبير
اعطي عبادك وقد ما عندك اعطيني
لإ زرع فرح بعيون الحزينه
فايز
10\5\2007
