منشر غسيل جماعة الواتس اب

اليوم منشر غسيل جماعة الواتس اب
انو يعني بتجيني رسالة ليش بالشتا تختفي مظاهر التعري خوفا من البرد و لا تختفي خوفا من نار جهنم ؟ لك ياعمي ايا تعري ليش نحنا عم نطس طريقنا ؟
بتجيني رسالة انو في طحين اسرائيلي بالاسواق بس ياكل منو الواحد 3 مرات بيصيبو ضيق تنفس و بعدين موت .. على اساس كتير هدون سائلين عنا ليبعتولنا طحين .. نحنا اصلا موفرين على اسرائيل هالهم و عم نقتل بعضنا البعض لشو بعزقة الطحين ؟
بتجيني رسالة بعدها بتقول انو اكتشاف علمي مذهل الشمس لا تدور حول الارض .. لكن وين بتدور ؟ بالمولات مثلا .. العمى هالشمس طلعت اكلة مقلب بحالها
و بيقلولك بالجنة في ثمرة بتشبه التفاح بس اكير منها مخصوصة للي بيصلي عالنبي
و رسالة انو في حرب طاحنة بسورية و الجيش مسكر حمص استعدادا لابادة شاملة .. على اساس انو اللي كان بسورية تفصيص بزر
بس انو تجيني رسالة تعلن احدى المستشفيات عن ولادة شبيه الدجال الاعور و الام تموت بعد الولادة ؟ اي و الله تخينة ... العمى شو هالاطباء مؤمنين حافظين علامات الدجال
يا جماعة عن جد نحن بكل امتياز سبقنا الامم بالحمرنة
و سامحونا

تعرفي يا أ. ريم وخليني أحكيلك بلا فصحى
ضحكتني شغلة موفرين على اسرئيل هالهم .. تصدقي اني افتكرت أن لناس زادت احتشام الشتا الماضي في البلدة اللي
نزحلتلها بس قالولي أنتظري لتدفا الدنيي
أما الشمس تدور وين.. ما كنت بصدق إنها تدور بالمولات بس صدقا دخت لما قرأت فموقع عبدالائم الكحيل إن الأرض لا تدور حول الشمس
لكن بتنط نط راكضة وراها
عموما موضوعك ترفيهي ورفه عني خصوصي إنه سياسي على علمي على إقتصادي، على ثقافي أو قولي واتسي تجهيلي
عالم أختلط فيه الحابل بالنابل ما عاد تعرفي
تقديري للقلم.