طمنني علي مصر !!

* طمنني علي مصر !!
- يا عم الحاج ... مصر زي الفل وتمام

* قلتله والناس ؟
- قاللي بيفطروا بيتزا وبيتعشوا حمام

* قلتله والعيشه لساها مره ؟
- قاللي دى الناس من كتر الفرحة مش عاوزة تنام

* قلتله يعني البلد حالها اتعدل ؟
- قاللي طبعا دي مفيهاش كلام

* قلتله امال البلطجة والسرقة ؟
- قاللي ده ابراهيم الابيض و ده شغل افلام

* قلتله والضحايا والشهدا ؟
- قاللي يا عم دي تفاهات إعلام

* قلتله ايه أخبار الخصخصة ؟
- قاللي خلاص كلها قطاع عام

* قلتله طب والدعم ؟
- قاللي مع التموين كل شهر ليك بلح الشام

* قلتله وأطفال الشوارع ؟
- قاللي ملهمش غير الصنعة والعلام

* قلتله والعشوائيات ؟
- قاللي كلها سيراميك ورخام

* قلتله صحيح جرام الدهب عامل كام ؟
- قاللي جرام ايه ده الدهب بيتباع خام

* قلتله طب علي كدة بقي ما تشوفلي عروسة!
- قاللي خلاص مبقاش في عنوسة كلها بقت مدام

* قلتله ايه اخبار ثورتنا ؟
- قاللي مطالبنا اتحققت وكله تمام التمام

* قلتله مصر اللي بتكلمني عليها دي مصر أم الدنيا ؟
ولا مصر أم الاحلام و الاوهام ؟
ولا مصر كمان 100 سنة قدام ؟

ألوووووووووووو
انت سامعني ؟
يا فلان يا فلان !

قفل من غير حتي ما يقوللي سلام

لاحول ولاقوة الا بالله...ومصر أيضا؟ والى متى نتخبط هكذا بلا وعي؟
وتنقل لقسم الشعر الشعربي
سلمت الانامل

الله عليك يامصر يا حبيبة..متى تنتشي وتعيشي وترجعي زي زمان.
شكرا مصطفى.

ستعود مصر بهمة الخيرين أهلها
ستنهض مرة أخرى وتلعن زمن
المؤامرات والفتن .. شكراً لك
أخي مصطفى الطنطاوي .. قصيدة جميلة
وتتمتع باللهجة الشعبية بأسلوب
البناء الحديث .

للاسف مصر لم تنهض بعد واظن اننا نحتاج عمرين على عمرنا على امل ان نراها تنهض